يا بنات نصيحة مهمة

االسلام عليكم
كيفكم يا بنات ان شاء الله بخير؟
بنات انا بدي احكيلكم عن قصة صارت عنا هون بالاردن عشان تنتبهوا والله من يوم ما اسمعتها وانا كتير مضايقة واللي ذكرني هلاء فيها قصة الام الخليجية اللي فقدت كل اولادها مرة وحدة:( ..........
القصة وما فيها انه كانت عائلة اردنية طالعة رحلة على الغابات وطبعا كانت ايام صيف وانتوا ادرى بحشرات الصيف المرعبة (الافاعي والعقارب ووووو) المهم انه هاي العائلة نزلوا من السيارة وقعدوا بين الاشجار ولعبوا وانبسطوا وكل شي تمام ..........
طيب وين المشكلة ..المشكلة بانهم الله يهديهم ما سكروا السيارة لما نزلوا منها يعني تركوها مفتوحة :( وبعد ما خلصت الرحلة ورجعوا على بيتهم وهم بالطريق فجأة اولادهم الاتنين صاروا يصرخوا ويبكوا والام والاب طبعا قاعدين في المقعد الامامي ومو عارفين ليش اولادهم بيبكوا المهم لما شاف الاب انه اولاده بيبكوا بحرقة ومو ساكتين اخدهم على المستشفى لكن للاسف اولاده صغار وجسمهم ما استحمل وما وصلوا المستشفى الا وارواحهم طالعة لبارئها ولما رجعوا على السيارة يفتشوها اكتشفوا انه داخلة فيها افعى سامة ومختفية تحت المقعد الخلفي ...
فتخيلوا يا بنات مصيبة هالأم اللي هي بالاساس طالعة عشان تبسط اولادها وترفه عنهم وفجأة يروحوا هيك من بين ايديها ....
والمشكلة انه احنا كل اللي ماخد عقولنا ازواجنا بحبني ولا لاء , راح يتزوج علي ولا لاء واذا عملها واتزوج بتكون هاي نهاية الحياة بالنسبة لزوجته طيب يا ترى لو كان للامهات اللي فقدوا اولادهم الخيار بأن يتزوجوا عليهم ازواجهم ولا يموتوا اولادهم يا ترى شو كانوا راح يختاروا >>طبعا اكيد راح يختاروا انه ازواجهم يتزوجوا عليهم واولادهم يبقوا حواليهم ....
معليش انا بلشت اخبص من تأثير قصة الام الخليجية اللي فقدت خمس اولاد مرة وحدة لاني اليوم بس شوفتها ... الله يكون بعونها ويصبرها ويعوضها في الدنيا والاخرة ويجعلهم شفعاء لها يوم القيامة
هي والام الاردنية وكل ام فقدت احد اولادها ........امين يا رب واللي بشوف مصايب الناس بتهون عليه مصيبته اللهم عافنا وعفو عنا