يا بنات هذي تجربتي

السلام عليكم ورحمة الله وبركاته

في البدايه يا حلويييين أريد أقول لكم عن تجربتي ورحلتي الطوييييييييييييله في توحيد لون جسمي والقضاء على رقعة الشطرنج والبقع العنيده من آثار حبوب ومسامات وغيره من بلاوي في جسمنا الحبيب :icon33:فاصبرواااااا وياي شوي واسمعوني للنهايه.....

أنا أم لطفلين ولله الحمد وبعد الحمل والولاده صارت بشرتي معدوووووووومه وجسمي صار مثل الخريطه حتى صرت استحي من زوجي :35: وكل متزوجه أكيد حاسه بشعوري وخاصه إلي تعاني من نفس مشكلتي من سواد في المناطق المعروفه ( باط وركب وبطن ومناطق حساسه ..... وإلي يحب يزود:22:) وغير التشققات من الحمل والولاده وترهل الجسم وزيدي عليهم سواد المفاصل وجفاف اليدين من الغسيل وغيره .........:hahaha:ماعندي شغاله
فقررت إني ألاقي حل لهالمشاكل خصوصاً بعد ما شفت نظرات أبو الشباب المعبره وإلي تنذر بالخطر والمصيبه القادمه.. وبعد تدويييييييير وبحث في هالمنتديات وتجريييييييييب مليون ألف وصفه بدون فايده مع إنه كل وحده تمدح في وصفتها وتحلف إنها القنبله الموقوته إلي راح تحل مشاكلنا .... وأدري إنه في بعضكم راح يقول إنه مو كل الأجسام واحد ... وهذا جايز بس والله يا بنات غريبه يمكن وصفه أو ثنتين ما نفعن بس من كل الوصفات ولا وحده نفعت؟؟؟؟ وهذا غير إلي تكون حاطه وصفه لتوحيد اللون وتحلف أغلظ الإيمان إنها فادتها وبعد فتره ترد تنزل وصفه غيرها ومره ثانيه ترد تحلف إنها فادتها..... قولولي كييييييييييييف عرفت إنها فادتها ما دام هي تقول إنها فادتها الأولى وصار جسمها موحححد؟؟؟؟؟؟؟؟
فقررت إني ما أستخدم من هالوصفات وأبدى تجاربي بنفسي خصوصاً إنه معظم الوصفات فيها مواد غذائيه خلاني أفكر بالنعمه إلي إحنا قاعدين نلعب فيها ونلطخها في أجسامنا غيرنا ما لاقي ياكلها ..... فأستغفر الله
والحيييييييييييييين بعد كل هالثرثره راح أحط لكم نظامي إلي خلاني أغير وأرمم من جسمي قدر المستطاع.... هاتوا ورقه وقلم وأكتبوا يالله المقادير:
1- قطع القطن إلي نستخدمها لتنظيف الوجه
2- اسكينول الليمون الأخضر
3- بس :42: هذي هي المكونات ...
تاخذين من هالقطنه وتصبين من الإسكينول وتلطخين الجسم كله من فوق لتحت وبعد ما ينشف دهني جسمج بأي مرطب تحبيه وأكثر شي أنا استخدمه كريم جرجنز بزبدة الشيا أو كريم زبدة البابايا من البودي شوب تحصلوه ، ولما تدهنون سوي مساج لجسمج بحيث تكون الحركات من فوق لتحت ...
وأحب انبه على أهمية التغذيه السليمه ... يعني بعدي عن المقليات المسبب الرئيسي للدهون والسليوليت واشربي قد ما تقدري من العصائر الطازجه والمااااااااااااااااء وخاصه عصير الطماطم يابنات والعنب والشمندر
ولالالالالالا تنسوا الرياضه ... في الحركه بركه ... داومي على المشي او نط الحبل أو أي رياضه تحبيها وأشدد على أي رياضه تحبيها ... ليشششش .. لأنه الرياضه إذا كنتي تمارسيها وإنتي كارهتها أو تحسي إنج تمارسيها غصب عنج ما راح تستفيدي منها وهذا غير إنج راح تمارسيها مره أو مرتين وبعدين تتركيها ... وكلنا يعرف أهمية الرياضه في شد الجسم وتنشيط الدوره الدمويه وغيرها من الفوائد...
ولا تنسون يا بنات المحافظه على الصلوات والنوافل خاااااااااااصة الصيام وقيام الليل والأستغفار....

هذي الأشياء إلي أنا داومت عليها إلى الآن ثلاث أشهر ولاحظت فيها تغير في لون بشرتي ... ما اقولكم إنه السواد اختفى تماماً لكنه قل بكثييييييييييير عن قبل وخاصه تحت الباط والبطن ... والمسامات الواسعه وكلف الحمل إلي كنت أعاني منهم تقريباً قلوا 80% وجسمي مع الرياضه انشد والسليوليت باي باي ... وغير هذا بشرتي بعد ما كانت صفرا وباهته صارت مورده وهذا طبعاً من الأكل الصحي والرياضه... أما التشققات فالصراحه ما لآحظت عليها غير تغير خفيييف :44: ...
هذي كانت يا بنات تجربتي بكل صدق أنقلها لكم وأتمنى إنكم تستفيدوا ...خاصه إلي ما عندهم وقت مثلي ..
ادري طولت عليكم فالسموحه..