يا بنات ياحلوين .. إنتو فين ؟! تعالوا أقول لكم عن خلطتين !!

السلام عليكم يا آل حواء ورحمة الله وبركاته

شحالكن ؟؟؟؟
خشومكن :39:

قبل كل شي صلوا عالنبي وقولوا لا إله إلا الله وقولوا ماشاء الله ..

:)

ها قلتوا ؟!!

انزين ..


من كمن يوم قريت عن خلطتين في المنتدى وبصراحة ما أذكر
منو اللي كاتبنهن :( فيعذرني صاحبات الخلطات لني ماذكر أساميهن ..
بس والله أني أدعيلهن من قلبي يوم شفت النتيجة :icon33:
هاي دموع الفرح ...


الخلطة الأولى :

روب ( زبادي ) + خميرة فورية + ماء ورد + عسل + نشا


الخلطة الثانية :

طماط مهروس + ليمون


الطريقة :

كنت أحط كل خلطة على ويهي لمدة ساعة يوميا ...
وعقب أغسلها بماي دافي وأحط عليها خلطة ثالثة من ماي الورد + النشا ..
وأخليه ساعة ثانية أو أكثر أو أقل .. على حسب وقتي ..

وعقب ما أغسله أحط المرطب ..


النتيجة :

ماشاء الله ويهي صار لمبة :32: نضارة وإشراق من أول مرة ..
والآثار والبقع خفت ..

بنات .. للعلم :

أنا بشرتي الحمد لله بيضا وفاتحة بطبيعتها .. بس فيها آثار حب شباب
لونها أحمر وخدودي صايرة مثل الطماط !
وتحمر بزيادة في الحر :icon33:
وكل اللي يشوفني يعلق علي لنه اللون الأحمر وايد مبين ..
باختصار ...... بشرتي دومها متحسسة وحمرة ...

بس هالخلطتين قللوا الاحمرار بشكل كبير والبقع الصغيرة بدت تخف !

وشي ثاني بعد .. صرت أستخدم ويا الخلطتين غسول مقشر عشان
النتيجة تبين أكثر. ..
والحمد لله بشرتي أحسها ارتاحت ولونها صار أهدا من قبل ..

الحين صار لي أربعة أيام أستخدمها ..
وناوية أستمر عليها إن شاء الله .


جربوها وادعولي وادعوا للي نزلنهن .. الله يجزيهن كل خير .

وسلامتكم .

:27: