يا بنا ت كيف هي طريقة التقدم عندكم؟؟

عادي جدا

الطرق مختلفه وكثيره

احيانا تجي ام الولد وتكلم بالتليفون احيانا يجي ابوه او واحد من اخوانه

مافهمت المقصد الصراحة وضحي اكثر تكلمي00

بارك الله فيك00

القصد من الموضوع هو عرض حالتي عليكم واستفساري ان كانت مثلكم او لا..

انا طلبني شاب زمان واهلي سالوا عنه وشافوه غير مناسب ورفضوه وكل هذا حدث دون علمي او معرفتي.

ولم اكن لاعرف اساسا لانهم ما ارادوا اخباري بالموضوع ... بس كيف عرفت ؟؟

عرفت عن طريق الصدفة البحتة...
ما رايكم ؟

ياما تحصل ...بس الاهل مالهم حق في هالشي


عموما يالمحتاسه ربي يرزقنا ويرزقك من عنده

بس بقولك شي مافيناس تقدم مني والطريق

لابد انهم يجسون نبض....يسألون اللي حولكم....وفي بعض الناس اللهم ياكافي قطاعين ارزاق

احيانا ..يوقفون الموضوع وحتى اهلك مادروا

واحيانا الاهل يكونون اسألوا عنه ويكون فعلا مايناسبك فما يحبون انهم يطورون الموضوع ويمنونك ويمنونه


لكن اشوف انه ولو من حق كل بنت تعرف اللي تقدموا لها

وقلبي على قلبك وبالتوفيق يارب

:26:

من حق البنت و الولد انهم يشوفون بعض ,,

و الزواج الغصب ما يعتبر زواج أصلا ,,

و بعدين ,, حتى الرسول قال ممكن انهم يكونون مع بعض ,, بس يكون معاهم محرم من هل البنت ,,

و اصلا لازم لم يتقدم للبنت واحد انها تدري ,,

لازم تشوفه و تقعد معاه " مع محرم " تتعرف عليه اهو شنو , شنو شروطه ,, شنو اطباعه ,, يناسب تفكيرها ولالا ,,

مشكلة بعض الاهالي الحين انهم عبالهم ان اهم بس يفهمون مصلحة العيال ,, اهو صحيح

لكن بالزواج ,, حتى لو كان اختياري غلط المهم انا اكون مرتاحه منه

والله يعين

عادي جداً عن طريق الاتصال وطبعاً الاتصال الاول من طرف اهل الولد مو البنت وطبعاً ام البنت بعد ماتنهي مكالمتها من اهل امه او اخته الولد او الخطابة تشاور الابو او الاخوالجبير اذا كان ما موجود الابو وتالي تشاور البنت واذا وافقت البنت خلاص ترد امها على اهل الولد وتعلمهم بموافقة البنت وابوها او اخوها ويطلبون اهل الولد من اهل البنية زيارتهم (طبعاً اهل الولد امه او اخته يزورون اهل البنت على حسب ) وتالي عاد اهل البنت تطلب معلومات كاملة عن الولد على شان يسألون عنه واذا كل شي اوكي يحددون النظرة الشرعية ويقدمون المهر والشبكةللبنت طبعاً المهر والشبكة يقدمونها بالخطبة وبعدين الملكة وووووووووالخ.
احياناً تكون من طرف حريم واحياناً من طرف رياييل على حسب.
ونسيت اجاوبج شي طبيعي البنت تكون عارفة كل صغيرة وجبيرة بالموضوع.
والله يوفق الجميع ان شاءالله
هذا اللي اعرفه .
وبعضهم يشاورون البنت اذا تبي شبكة مع المهر او تبي بس مهر وهي بنفسها تشتري الشبكة هلى ذوقها. على حسب يتفاوت.
واتمنى تكونين استفدتي.