يا بنـات وش تعرفون عن اليمين الغموس؟؟؟؟؟؟؟؟

السلام عليكم ورحمة الله وبركاته

اخواتي وحبيباتي هذه قصة واقعية عن عقوبة من يحلف اليمين الغموس
وهي اليمين الكاذبة التي يحلفها الشخص كاذباً متعمداً وحكمها انها من الكبائر اذا كان فيها
اقتطاع حق او مال لامرئ مسلم

طبعاً راح اكتب القصة بالعامية وانا انقلها لكم على لسان عمتي الله يطول بعمرها
لأن هذا الشخص كان جارهم...

تقول عمتي ...هذا ضابط كان ساكن في حيهم ..تقول مره من المرات حصلت مشكلة بين عيال
هذا الضابط وعيال جيرانه ..فالضابط هذا راح ودخل بيت جيرانه وتكشف على حرمة البيت
وكانت زوجة جارهم بلباس البيت فتلفظ عليها وقذفها في شرفها
وكانوا اثنين من الجيران حاضرين وزوجها طلب منهم انهم يشهدون معه في المحكمة على هالضابط
وواحد امتنع لأنه على معرفة بالضابط والثاني قبل انه يشهد مع هالرجال على اللي صار
المهم يوم استدعوهم المحكمة جا الضابط وحلف اليمين الغموس انه ما فعل هالشيء
وطبعا اليمين تكفي من انكر وليس عليه دليل او بينة والقذف في الشرف يشترط فيه وجود اربعة من الشهود
وهذا الشيء طبعاً ما كان متوفر للرجال اللي اعتدى الضابط على حرمة بيته وقذف زوجته

المهم طلع من المحكمة وضميره مرتاح لأنه معتقد انه سلم من العقاب الدنيوي
وعنده امل طبعاً ان الله سبحانه ما راح يعاقبه الان
ويوم وصل بيتهم قالت له زوجته انت حلفت اليمين قال اي والله حلفتها
تقول عمتي وهو كان يفكك ازرار بدلته طاح زر من هالازرار على الارض
واخذه ولده الصغير اعتقد عمره سنه او اقل وابتلع هالزر ومات من لحظته
تقول وحصلت له مصايب ثانية وباع بيته وترك الحي اللي فيه


هذي القصة اللي عندي عن عقوبة اليمين الغموس

وابيكم تحطون قصص تعرفونها خاصة عن القضايا اللي وصلت للمحاكم
لأن فيه وحده من معارفنا الله يهديها مصر تحلف اليمين الغموس لأنها قذفت وحده من جماعتهم في شرفها
ووصلت القضية للمحكمة والقاضي طلب استدعاءها عشان تحلف اليمين
وهي خايفة من الجلد ومن شماتة الناس