يا بيت الهنا يابيتنا ! الحقوني بمووووت قهر

اخواتي في النتدى كيف حالكم ان شاء الله الكل مبسوووووط
مادري انا من النوع اللي ما احب اتكلم كثير واللا المفروض اني من زماااان طلعت اللي في قلبي قبل مايتراكم على نفسي ويكتمني آآآآآآآآآآآآآآآآه بطق بنفجر لو اقدر كان علييييت صوتي بس للاسف ماحب المشاكل دايما كتومة قلت ماعندي غير خواتي في عالم حواء اشوفهم ماشاء الله عليهم ما يقصرون مع احد
طولت عليكم الحكاية وما فيها كان ياما كان كان عندي بيت صغير وانا وزوجي فيه مثل السمن على العسل صح انه ايجار لكن كنت حرة اسوي اللي ابغية ويكفي انه بجنب اهلي كل ماضاق صدري رحت عند امي وخواتي وعلاقتي مع اهل زوجي كانت احترام متبادل وزيارات لسبوعية او حسب الظروف واتفقنا انا وزوجي انا نشتري قطعة ارض ونبني بيت على قدنا وفعلا بدانا نجمع المال ونقتصد حتى في الضروريات وبعد سنة جمعنا ثمن الارض وفرحت لكن آآآآآآآآآآآه يافرحة ماتمت

:44::44::44:

المبلغ كله سلمه زوجي لابوه بناء على طلبه وزوجي طبعا استحى واعطاه بحجة انه يبغى يكمل الدور الثلني من البيت وان الفلوس قاصرة معاه قلت ماعليه العوض على الله وجمعنا مبلغ ثاني ونفس الشي راح المبلغ لابو زوجي لنفس السبب لكن هالمرة بدون علمي

وبعد فترة سالت زوجي ومارد علي وبعد الحاح اخذني في رحلة على البحر وبعد مقدمات طويلة قاللي انه
بيسكنا عند اهله
:32::32::32:
ليه ويش اللي غير رايه فجاة فين الاحلام اللي حلمناها سوى

مافيه رد كل اللي يقوله انه بيكون ابن بار باهله وما بيبتعد عنهم مع انه مايقصر معاهم ويزورهم باستمرار
حاولت اقنعه بكل الطرق انه ممكن يرضي اهله ويبر بهم بدون ما نسكن عندهم ما اقتنع وانا متاكدة انه السبب تاثير ابوه عليه لأنه مافكر يكمل الدور الثاني من البيت الا بعدزواجنا كانه ناوي على هالشي حتى فلوسنا اللي بغينا نشتري فيها ارض اخذها
حسبي الله ونعم الوكيل
وبعد اخذ وشد انا وزوجي والمشاكل الطويلة اللي مالها اخر والمعاملة السيئة اللي الغاها منزوجي رحت بيت اهلي وجلست عندهم 9 شهور هي فترة حملي وبعد ما ودت شفت تعلق زوجي في ابنه وبصراحة تمنيت اني اكون اسرة هادئة ومستقرة وقررت اني اتناسى اللي فات واصبر على زوجي واسكن معاه عند اهله خاصة انه ماكان يقصر معاي قبل ما تجيه فكرة السكن عند اهله قلت
وبالفعل بعد ماخصت الاربعين رحت سكنت مع اهل زوجي وققرت اني ماركب الدش اللي كان في بيتي وببدا حياة جديدة

ومرت الايام وبدات احس بالفروق بين حياتي الاولى في بيتي وبين الحياة في بيت اهله
انا ماقدر البس على كيفي لانه في اي وقت ممكن يدقون علي الباب لاي سبب من الاسباب
وما قدر اطلع من البيت من غير ما اعطيهم خبر ونقاشاتي مع زوجي لازم تكون بصوت منخض ولا جوهم ضيوف لازم انزل عندهم ولو رفضت يزعلوا هذا غير ابني اللي عودوه على انهم يحملوة على طول ومن يد ليد واللحين صار عمره سنة وهومايسكت اللي اذا شلته حتى صرت اضطر اني اخليه طوال النهار عندهم تحت لاني وراي شغل البيت والطبخ ولما انزل عنهم صار ولدي يتعلق فيهم اكثر مني لانهم على طول شايلينه وهو يحب هالشي واسمع التعلقات بينهم والضحك (( مايبغى امه )) وانا بموت قهر لكن مارد عليهم واذا قلت لزوجي قاللي انتي مبالغة
وما قدر استقبل ضيوفي لوحدي لازم اعزمهم يطلعون واذا ماسويت كذا يزعلون ويقولون ليه ماتبغانا نقابل ضيوفها
باختصار مافيه استقلاااال

اللين صار موقف اللي فجر كل اللي بداخللي وانا الله العالم ما فكرت اشتكي لاحد لكن ها الموقف قهرني واحسسني بالاهانة ما اقدرت اسكت وماني عارفة ارد علية

بكمل الحكاية لما ارجع مع السلامة بنات وراي دوام لمعهد الحاسب
بس لا تطنشوني