يا ترى أحشر نفسي ولا أسكت وانطم ومالي شغل

السلام عليكم

غالياتي شورو علي ودلوني الله يخليكم لأهلكم وحبايبكم

الموضوع باختصار
أنا وزوجي عايشين في اوروبا وفي شاب من قرايب زوجي جاء لدراسة الدكتوراه في بلد قريب منا هذا الشاب قريب لزوجي وهو يحبه جدا ويراه كامل مكمل زي ما يقولو
وأنا كمان أعرف الشاب وأهله وأعرف أن اللي يشوف الواجهة فهو وسيم في مقتبل العمر يدرس الدكتوراه علىحساب الدولة متفوق يعني حكواتي ومتحدث لبق.
أما الحقيقة فهو انسان وصولي استغلالي يتعرف على الناس لمصالحه مبدأه الغاية تبرر الوسيلة طوال دراسته بالجامعة كان خاطب لبنت تصرف عليه وتربيه هي وأهلها وبمجرد سفره ه رماها ولا سأل فيها أبوه لاعب قمار مخلي بيتهم على الحديده وهذا اللي خلى أولاده يلجأوا إلى استغلال الناس واللعب عليهم. هذا الجزء متأكدة منه طبعا فهم جيران لاهلي وسمعت والله أعلم أنه غير متفوق أنما وصل كمان إلى البعثة بطرقه نفسها.
والمشكلة
في الصيف التقى زوجي بهذا الشاب في بلدنا وقله لك عندي عروسه بس نرجع طبعا عرفت فورا مين قصده
بنت ناس طيبين موجودين هنا باوروبا ومقيمين والوالد له مركز علمي واجتماعي راقي جدا وعنده بس 3 بنات العائلة تحترمنا وتحبنا وتثق فينا.
طبعا أنا نشف دمي لما قال زوجي هالكلمة لأني عارفة انه بيشبط فيها وفعلا بمجرد عودتنا اتصل وحدد موعد انه يجي أول الشهر الجاي وانا تخانقت مع زوجي لهدا السبب وقلتله انت بتستغل ثقة الناس فيك عشان خاطر عيون شخص عمره ما رح يقدر معروفك ولا الجماعة يستاهلوا منك هالشي واياك تطلب مني اكلم الأم أو امدحه او اتدخل لأني مش مستعدة حد يدعي على بنتي إذا كنت السبب بتوريط بنات الناس.
ايش رأيكم هالشي كافي ولا لازم اكلم الام واوضحلها الموضوع بصدق وشو لازم اقولها لو مثلا سالتني طبعا هم لو رضو يستقبلوه فلانه عن طريقنا ويمكن يرضوا بالواجهة وما يسألوا كويس لأنهممن مدينه أخرى من بلدنا وما عندهم حد يسألوه.
بصراحة أنا ناوية اكلم الام بس ما عارفة شو بقوللها لأنه حل الموضوع عن طريق زوجي شبه مستحيل وهو شايف نفسه انه بيعمل خير انه جايب عريس لبنتهم مو عارف انه لو يعنسوا احسن من ما يبتلوا (طبعا هم مو كبار بالسن في منتصف العشرينات)

اسفة للإطالة وشكرا لكم