بسم الله الرحمن الرحيم
كيف حالكم حوائيات وعساكم بخير وصحه وعافيه وعسى أيامنا كلها خير ومحبه
بإختصار شي كنت أستغرب له وما ألاقي له تفسير لكن لما تزوجت عرفت تفسير الشئ هذا
دايما أستغرب لما أشوف علاقه المعزبه بخادمتها ( المعزبه اللي هي ربه المنزل) لما تكون حميمه جدا وسوالف وضحك مو تكبر مني لا والله أنا أحب أعاملهم بطيب وأخلاق وما أحب أكسر بخاطرهم لأنهم في غربه وحرررررام أذيتهم لكن إكتشفت إن الخادمات ينقلون أسرار البيوت للمعزبه مثلا:
زوجه الولد تجي عزيمه أهل زوجها طبعا عيالها وخادمتها معاها وتعالي شوفي الخادمات لا إجتمعوا تسمعين ثرثرتهم وتخلص العزيمه وكل يروح بيته شوي إلا زوجه الأخ الكريمه تتصل فيكي : والله سمعت إنه في اليوم الفلاني جوكم ناس منهم وش يبون لايكون خطابه ( السالفه هاذي صارت معي) قلت: أبد سلامتك ناس نعرفهم من عمر وجونا زياره لاخطابه ولاغيره إلا يا فلانه من قالك ؟؟؟؟ ترد بكل براءه: ما أدري ؟ وشلون ما تدرين توك تقولين سمعت من منه سمعتي ترد ببراءه تحوم الكبد منها: يقولون ؟؟؟ قلت إييييه أثاركي من جماعه وكالة يقولون
بصراحه كنت ألاحظ لما نجيب شغاله خدامات حريم خواني أربع وعشرين ساعه عندنا ولا سافرت الشغاله ما نشوف رقعه وجه وحده فيهم وطبعا حريم الأخوان كل وحده تجي وتتعذر والله الكوي ما خلصت منه واللي تقول شغالتي تعبانه وكانت أسرار البيت كلها عندهم في البدايه كنت أحسب اخواني يتكلمون عند حريمهم بس بعد ما تزوجت هذاك اليوم صارت مشكله بين واحد من أخواني وحرمته دقت وحده فيهم علي تسألني فلانه صارت لها مشكله وصار وصار وصار طبعا السااااااالفه كامله والله إني ما أدري عنها ومو عوايدنا نتدخل في حياة أخوانا حتى أمي ما تتدخل تقول هذولا رجال وكيفهم مع حريمهم بصراحه إنصدمت سألتها بالله من قالك ؟ قالت خدامتهم أنا هنا إنصدمت خدامتهم؟ كيف قالت : رحنا نتعشى عند أمك وصادفنا فلانه وأخوكي وخدامتها قالتلي ...... عجيييييب وأنا أشوف مرة أخوي مع الشغالات صحبه وتسولف معاهم وتنكت معاهم كنت أحسب إنها ترحمهم أثاريها تلقط سوالف العائله الكريمه من الشغالات .
هذا مثال آخر:
صديقتي عندها جاره تحلف لي صديقتي كل شي في حياتي تعرفه تقول أنا إنجنيت منها كأنها قاعده معانا لما تعزمني وأسولف لها رحنا المطعم الفلاني على طول ترد الجاره أدري شفتكم تقول أنا استغربت وشلون شافتنا طيب صدفت مره بس حتى الكلام اللي نقوله في بيتنا تعرفه مشاكلي أنا وزوجي كلها تعرفها بالتفصيل إلين جاء اليوم تقول كنت أكلم أمي في مجلس الرجال وكنت مسكره باب المجلس تقول ما أشوف إلا زوجي داخل علي وهوماسك الشغاله من قمه راسها ويهاوشها تخيلوا زوجها لقى الشغاله عند باب المجلس تتنصت وتتجسس علي تقول وأمسكها واقولها جارتنا فلانه تسألك عني ترى إذا ما قلتي الصدق سفرتك وشغالتها سرلانكيه على طول خرت السوالف كلها تقول لما نروح زياره لمدام دايم يسأل فين يروح فين يجي وكل شي صديقتي مره تأثرت وقطعت علاقتها بجارتها تقول معقوله في ناس فاضيه لهالدرجه يبون يعرفون تفاصيل حياتك وياويلك إذا سألتيهم عن شي على طول يعطونك محاضره في الخصوصيه
دايما أسأل نفسي سؤال ياترى كم عضوه عندنا فيها هالصفه وياترى اللي تقرأ وترد على موضوعي منهم ولا لأ
رايكم حوائيات وكالعاده اللي بي تتفلسف وتقول ليه تغتابين أقولها عطي روحك العافيه ولا تردين لأن لو رديتي راح تصير حرب داحس والغبراء وسلامتكم
المايك للعضوه القادمه
يلزم عليك تسجيل الدخول أولًا لكتابة تعليق.
ولا تجسسوا ,, داخل في التجسس والمسألة دين وضمير ومع الأسف فيه ناس يستخدمون الخدم للتجسس,, الله يبعدنا عن هالعادة السيئة وأهلهاولا تجسسوا ,, داخل في التجسس والمسألة دين وضمير ومع الأسف فيه ناس يستخدمون الخدم للتجسس,, الله...
كلام سليم يالعنود بس منو اللي يفهم
شرفني مرورك يالغلا
شرفني مرورك يالغلا
jojoita
•
لا حول ولا قوة الا بالله
اي مره كنا جالسين بعزيمه ، وكنت عند باب المطبخ انا واحد البنات ،، و فيه خادمات بالمطبخ من جنسيات مختلفه و لغات مختلفه
ويتكلمون عربي علشان يفهمون بعض
المهم خادمه البنت تحكي عن اسرار البيت وتقول للخادمات ايش يسوي الاب بالبيت وتتكلم بصوت مرتفع ( متحمسه بالسواليف هههه )
والبنت اللي واقفه معي ، مدري ليه ما سكتت الخادمه ولا قالت شي . بس جلست تسولف بصوت اعلى من صوت الخادمه علشان مانسمع ايش جالسه تقول خادمتها !!!
ومره خدامه تقول: انا نظيفه كل يوم اسبح ، ماما وسخه يجلس كم يوم مايسبح !!!!!
المشكله ما احد سئلها كم مره تسبحي هههههه بس مدحنا الطبخ الاندونيسي وانه حلو ونظيف ووو
اي مره كنا جالسين بعزيمه ، وكنت عند باب المطبخ انا واحد البنات ،، و فيه خادمات بالمطبخ من جنسيات مختلفه و لغات مختلفه
ويتكلمون عربي علشان يفهمون بعض
المهم خادمه البنت تحكي عن اسرار البيت وتقول للخادمات ايش يسوي الاب بالبيت وتتكلم بصوت مرتفع ( متحمسه بالسواليف هههه )
والبنت اللي واقفه معي ، مدري ليه ما سكتت الخادمه ولا قالت شي . بس جلست تسولف بصوت اعلى من صوت الخادمه علشان مانسمع ايش جالسه تقول خادمتها !!!
ومره خدامه تقول: انا نظيفه كل يوم اسبح ، ماما وسخه يجلس كم يوم مايسبح !!!!!
المشكله ما احد سئلها كم مره تسبحي هههههه بس مدحنا الطبخ الاندونيسي وانه حلو ونظيف ووو
ناقصات عقل ودين للأسف فيه نساء شغلهم الشاااااااااااغل مراقبة الناس ومعرفة اسرارهم في منازلهم والعياذ
الصفحة الأخيرة
الله يبعدنا عن هالعادة السيئة وأهلها