يا ترى كل الرياييل جذيه

بنات انتو معاي ان ثلاثة ارباع الرياييل يخونون زوجاتهم حتى لو ما بالفعل بالشوف بالكلام , بصراحه انا متعقده من هذي السالفة الخيانه الزوجية يعني هل ممكن ان الزوجه تتحمل زوجها وهيه تعرف انه جاعد يخونها وتتحمل بحجة المحافظه على بيتها وعيالها واذا صارحته هل بيعاند وبيزيد ولا بيعتدل وهل تنصحون الزوجة انها تنزل من نفسها وتتكلم مع اللي شاكة او متاكده انها على علاقة مع زوجها ولا تسفها وتقول انه هوه اختارني انا لما بغى يتزوج ومرده حجي وهذي نزوة هذا الموضوع شاغل بالي من يوم ما تزوجت لحد الحين يعني من ثلاث سنوات ومن اول اسبوع من الزواج اكتشفت ان زوجي يخوني وعرفت منو هيه وووين تشتغل وغيره وكل المعلومات عنها مع ان زواجي كان من نتاج قصة حب طويلة تخيلوا صدق ان الرياييل ما يملى عينهم الا التراب المهم كانت ردة فعلي غريبة تصدقون اني سكتت وما واجهته لاني اكتشفت اني حامل من اول اسبوع :06: وبعد الولادة طبعا انشغلت عنه ليومكم اسمع بأـذني واشوف بعيني واطنش واسكت لا والقهر اني امووت فيه شتقولون فيني بس دخيلكم شوي شوي علي !!!!! :icon33: