يا ترى يا حلو صايم و لا زى كل سنة

يا ترى يا حلو صايم و لا زى كل سنة

يعنى يا حرام كل اللى تاعبك الأكل و الشرب و لا صايم بجد زى ما الدين بيقول و لا .........؟

طب أسألك كام سؤال
لما بتشوف بنت الحمد لله لابسة طابع بوسطة بتنح بقى
و تفضل تقول النظرة الأولى ليك النظرة الأولى لييييييييييييييييييييك و بصوت عالى اللهم إنى صائم
ده أنت بقى بتقولها بتعاكس بيها طب ما أنت فطرت يا حلو

أخبار الأغانى إيه يا باشا مش تمام الحمد لله طبعا الصيام يا طعامته مع صوت ....؟
مفيش أكل مفيش شرب
و مفيش حاجة تيجى كده
طب ما تهدا حبيبى كده و تصوم زى الناس و تبطل أغانى شوية

و الخناقات يا سعادة البيه مش طايق روحك أنت طبعا و الحجة صايم و مبطل سجاير يا ناااااااااس محدش قاللك إنك المفروض تهجر فحش القول و مسمعتش عن الكاظمين الغيظ و العافيين عن الناس

و يا سلام بقى لما الحب يولع فى الدرة يا سوسو بذمتك إنت و إنتى عندكو دم؟؟؟
قال بيتمشوا سوا بعد المحاضرة و مضايقة قوى كنت بتخانق معاه مش بيصلى التراويح تخيلوا طب ما تتخيلى إنتى الفروض إننا غير متخذات أخدان يعنى ده حرام فى العادى ما بالكم برمضان

و أحلى فطار يكون فى كنتاكى و بيتزا هت مش كده و هو فيه ألذ من الفطار على كوباية من دم الفلسطنيين و شرائح لحوم أطفال العراق و 100 طظ فى المقاطعة و الحاجة الساقعة الأمريكى لازم بعد الفطار مش كده عشان تهضم طب ما تصلى التراويح و أنت تهضم زى ما ربنا أمر

و يوم الأجازة فرجت يا رب صباحه نوووووووووووووووووم

و تيلفزيووووون

طب الأولى إنك تقرأ قرآن زيادة و لا تصلى ركعتين زيادة و لا حتى تساعد اللى فى البيت شوية ده خيركم خيركم لأهله

و البنات اللى تقولك الروج بس اللى حرام فى رمضان عشان ممكن تاكله من غير قصد و التانية تقولك الكحلة حلال

و اللى تقول مينفعش ألبس الطرحة فى رمضان و أخلعها بعده مبحبش كده

و البرفان جايب آخر الشارع و تقولك لا والله محدش يشمه غيرى بجد مش عارفة انتى ريحته
وصلتلك إزاى

إرحمووووووووووووووووووووووونا بقى مش عارفين تلتزموا دينيا شهر واحد بتعصوا ربنا 11 شهر و مش عارفيين تطيعوه شهر واحد


ده انت فى شغلك لو إتأخرت على المدير فى التقارير مرة فى التانية تتكسف إنك تتأخر لتالت مرة يبقى إيه بقى
و لله المثل الأعظم جل ذاتا و صفاتا

تعالى نتفق سوا

(1

تختم القرآن مرة ع الأقل

(2

تصلى التراويح

(3

تبطل أغانى حتى فى رمضان بس

(4

تبطل نميمة و غيبة و تحاول تكتم غيظك

(5

البنات تحاول تتقى الله فى لبسها و تفتكر إن المساحيق التى توضع للوجه يوضع مكانها فى الآخرة خارصين مصهور

(6

الأولاد تغض البصر بما فى ذلك المسلسلات و الأفلام لأن ثمة إعتقاد سائد بأنه حلال النظر للفنانات

(7

حاول لو مرة تتهجد و أستشعر حلاوة الوقوف بين يدى الله و الناس نيام

(8

لا تضيع فرصة إفطار صائم فى رمضان و الأفضل أن يكون من الفقراء لأن الغالبية بيكتفى بعزم أصحابه على الفطار

(9

تفكروا فى نعم الله و عندها لن تعصوه فلا تنظر لصغر الخطيئة و لكن أنظر لعظمة من أخطأت فى حقه