يا جماعة أنا وسوست من ورى هالمشاكل

السلام عليكم

بنات انا اول ما ادخل عالم حواء على طووووول ادخل قسم المشاكل الاجتماعية
احب اقرا المشاكل واقدم النصايح وكل اللي عندي من خبرة لخدمة الأخوات وخالص الدعوات لهن
بالبداية كنت مستمتعة بهالشي

وأحيان أنصح نفسي معاهن لما تكون المشكله مقاربة لمشكله عندي
فألقى مشكلتي مكتوبة قدامي وأبدى احلل الوضع وأقدم حلول لها ولنفسي..

وحسيت براحه نفسية من خلال الأدعية اللي تعلمتها ومن خلال التقرب من الله أكثر :27:

ولي فترة طويلة على هذا الوضع الشبة يومي ..

لكن اللحين صرت متوترة طول الوقت .. أتوقع من كثر ما قريت مشاكل وهموم
صرت عصبية ... ومو طايقة شي ... :06:

حتى هالوقت معصبه .. صحيح تصرفاتي مافيها عصبية زايدة لكن احس العصبية من الداخل .. داخلي معصب وحامي.. وش تنصحوني ؟؟ حتى امس كنت طالعه مع خواتي لكن ماكنت على طبيعتي واختي لاحظت هالشي.. كنت كارهه الجلسة وتجيني وساوس كثيرة .. افكر هل العباية اللي انا لابستها ساتره بما فيه الكفايه؟ هل اختي عبايتها ساتره وافكر وافكر..

من اول أحس اني متوترة وعصبية لكن توه اللحين فكرت في ان يمكن السبب هو مشاكل عالم حواء؟