يا جماعة ابي فزعتكم اللي عانت من حالة الصرع

السلام عليكم ورحمة الله وبركاته
يا اخواتي في الله
ابشرحلكم حالة اخوي الصعبة واتمنى اللي مرت بهالحاله او عندها فكرة انها تفيدني
وربي لادعيلها من كل قلبي
انا لي اخ عمره 22 سنه يدرس بالجامعه
والله لو اقولكم يا جماعه ان هالولد نادر وجوده ماتصدقوني
كامل والكمال لله والله مو لانه اخوي امدحه
مهما قلتلكم عنه وعن اوصافه واخلاقه وشخصيته ماتصدقون ان في شاب بهالوقت بصفاته واخلاقه العالية
المشكلة
انه قبل سنة تقريبا اصابه مرض الصرع فجاه نتيجة صدمه تلقاها من فريق المسرح الثقافي عندهم بالجامعه
ولما يصحى من الحالة يتفاجا انه كان تعبان ومايصدقنا انه صر فيه كذا وكذا
ومن يومها صارت الحالة تتكرر عليه مابين كل فترة وفترة
نتفاجا انه بالمستشفى
يعني يدوخ مع زملائه او اخوانه
ويضطرون يشيلونه للمستشفى
وطبعا بالمستشفى كل مرة يعطونا تشخيص مختلف
مرة يقولوا الزايدة الدودية
مرة يقولو القالون العصبي
ومرة يقولوا زيادة شحنات كهربائية
المهم ان كثير من قرايبنا نصحونا بعدم اعطائه اي ادوية من المستشفيات لان حاله تحتاج رقية وقران مستمرة
وفعلا قرينا عليه كم مرة
تتحسن حالته فجاه لكن سرعان ماترجع له الحاله
خصوصا لما يتعرض لحالة خوف او قلق نتيجة مشكلة عائلية او شخصية
تكفون يا اخوات اللي مرت عليها حالة الصرع هذي تفيدنا شلون عالجتها والله محتارين مانعرف وين نوديه

علما ان اخي ماشاء الله عليه جميل جدا جدا
واحنا ما نبي اتعلق بشي وبالاخير نكتشف اننا ضيعنا الوقت معاه
تكفون بنات لا تردوني