عزيزتي الصوريه

اشكرج على تواصلج معاي


كلامج صح وانا عارفة كل هذا


بس مثل ما قلت الموضوع يصير معاي بطريقة لا ارادية و غير متعمدة وما اقدر اسيطر عليها

حبيبتي كتكوت:
يعني الطيبة والتسامح مجبولة عليها ...

في البداية قولي لنفسك وش هي مبادئك!!!
هل إنت قبل هذا الحادث سهلة التنازل عن أشياء كثيرة
وإلا تنازلك عن أشياء بسيطة..

وش الأشياء في حياتك إلي تزعلك
وش الاشياء الي ترضيك
وش الاشياء العادية

بعدما تحددين هذه الأشياء
فكري بطريقة الرد وغيري حالك من الإنفعال
إلى الهدوء والإتزان
اجلسي مع نفسك في غرفتك وخلي خيالك يشتغل
بالمواقف والأفكار ويلا ردود الفعل المختلفة...

ولازم تعرفين شيء مهم
الإنسان المسلم إلي إذا أُذي في الدين ودافع عنه
فعنده كرامة وعزة نفس..


:26: :26: :26:

رأيي اللي تمرين فيه بسبب إن كلمة الشخص العزيز أفقدتك ثقتك بنفسك وحبك لذاتك ولشخصيتك الأصلية
عزيزتي إقبلي نفسك زي ما إنت
ومالك في كلا م أي إنسان يعطيك تقييمه الشخصي لشخصيتك وإسلوبك فهو يعطيك الكلام من منظور شخصي
وطريقة تفكيره ومفاهيمه الشخصية مو بالضروره صح
فهي في النهاية وجهة نظره إذا شفتي انها تناسبك وتتفق مع قناعتك اقبليها إذا لأ ترجع له بدون ماتتأثرين
لو رجعتي لسيرة الرسول صلى الله عليه وسلم راح تلقين صفحات حياته مليئه بالصفح والعفو والتسامح والله عزوجل يقول : (خذ العفو وأمر بالعرف وأعرض عن الجاهلين) فخير البشر يعفو ويصفح وهو أكرم الناس وافضلهم منزلة
إذن بأي مقياس يعتبر هذا الشخص إن العفو والتسامح نقص عزة نفس!!
هل بمقياس اخلاق الإسلام او بمقياس الحكمة ..لأ بالتأكيد لكن بمقياس نظرته الشخصية ومفهومه الشخصي للتعامل
أختي...
يقول صلى الله عليه وسلم : (ليس الشديد بالصرعة ، إنما الشديد الذي يملك نفسه عند الغضب )
هذا هو مقياس الحق والحكمة كلام خير الأنام لأنه وحي من خالق البشر ورقيبهم وحسيبهم
وهذا مايعني إن الإنسان يصبح ضعيف مهزوم لأ بالعكس المؤمن القوي خير وأحب إلى الله من المؤمن الضعيف لكن الاعتدال فيملئ الانسان حياته بالعفو والتسامح قدر المستطاع والحلم خلق جليل مايقدر عليه إلا القوي اللي يقدر يتحكم بنفسه ويثق بنفسه في نفس الوقت في وقت الحق يأخذ حقه و يفهم معنى القوة والعزة فهم صحيح
إرجعي لذاتك واقبليها زي ماكنتي قبل هذه الكلمة راضيه بنفسك سعيده بها

تدرين كتكوته لفت انتباه في قصتج شي يوم تقولين انج تحسين مثل اللقمه واقفه بحلقج ..
تدرين هالشي بعدما توضفت وصرت ادرس عيال صرت نار مو عصبيه وبس وبروحي عصبيه من قبل ..:02: بس عصبيتي في الايام الاخيره ماصرت اقدر اصيطر عليها بس باذن الله انا ناويه اعلن الحرب عليها ..المهم عصبيتي هذي نتيجه الوالد الله يسامحه ..واللي زاد الطين بله
ان ريلي مره علق على تسامحي وطيبتي مع غيري انها ضعف شخصيه ..مع ان كل اللي يعرفوني من برى الكل يقول ان اكثر شي يلفت انتباهم فيني شخصيتي القويه وان مايبين علي عصبيه ..تدريين كلامه اثر فيني واجد بس للاسف هالشي غيرني مع نفسي صارت عصبيتي مش بس عالاشياء اللي تستاهل اللا صرت اعصب وانفعل على كل شي على عيالي مع طلابي مع هلي ..مع كل اللي حولي ..انا في رايي ان الكلمه لما تكون من شخص عزيز على قلوبنى
تاثر فينا وايد عكس لما تكون من شخص مانهتم فيه .. واقولج اللحين ليش لفت انتباهي في قصتج سالفه اللقمه اللي واقفه في حلقج ..لاني بعد الوظيفه صرت عصبيه وايييد:11: وخصوصا الطلاب في هالمدرسه مشهوريين بالشيطنه الزايده على مستوى الدوله (حكمه سبحان الله ):44:المهم بعد كم شهر صرت اعاني من الم شديد في الحلق رحت المستشفى سويت فحوصات والتيجه ماكو شي المهم الالم قاعد يزيد واسئل المدرسات اللي معاي يمكن حد مرت بنفس الضروف ويطلع هالشي طبيعي مع التدريس ..والنتيجه اللي طلعت بها ان ممكن بدايه الغدة ركضت على عياده خاصه سويت تحاليل واشعه وتلفزيون والتيجه مافيه اي شي ..واللالم يزيد اكثر ولاحضته يزيد في الايام اللي اعصب فيها وصارخ على الطلاب :44:
واللحين عرفت السبب ..
اقول اخت كتكوته اش رايج نرجع نفس اول الطيبه والتسامح مب احسن من عوار الراس
ولا نسمح كلام الناس اللي يقطون كلمه ولايدرون بتاثير هالكلمه على الناس اللي يعزونهم
وكلام الخوات انا ايده كما هو:::::::30:
يقول صلى الله عليه وسلم : (ليس الشديد بالصرعة ، إنما الشديد الذي يملك نفسه عند الغضب )
هذا هو مقياس الحق والحكمة كلام خير الأنام لأنه وحي من خالق البشر ورقيبهم وحسيبهم
وهذا مايعني إن الإنسان يصبح ضعيف مهزوم لأ بالعكس المؤمن القوي خير وأحب إلى الله من المؤمن الضعيف لكن
حبيبتي خير الامور الوسط لا تكن لينا فتعصر ولا قاسيا فتكسر
وبعدين باقولك على شي يخليك مررررره محترمه الا وهو السكووووووووووت لاتتكلمين كثير
وبتصيرين احسن شخصيه ولا احد يقدر يقول عليك خفيفه او ماشابه

هذا الكلام الصحيح اللي قالوه الخوات وجزاهم الله كل خير
والله يوفقك اخت كتكوته وكان الله في العون للجميع

شوفي حبيبتي..
صفاتج وايد حلوه..واتمنى اشوفها في كل الى عايشه معاه..يوم قريت كلامج حسيت انج مثلي..عفويه تسألين عن الكل متواضعه بس المشكله في الناس ..نحن نعيش في مجتمع فيه الكبير والصغير الحليم واللئيم المؤمن والمنافق..عشان جذيه لا تخلين حد يأثر عليج ..اثري فيهم قبل لا يأثرون عليج..مثلا : لما سمعتى الكلام الى ما عجبج واثر على نفسيتج وخلاج تتغيرين بالطريقه هذي...!!!؟؟؟ ما سألتي نفسج هل كان هالشخص يقصد الكلام الى قاله والا لا؟ ليش ما رديتي عليه ؟ليش ما حسستيه انه كلامه صدمج فيه واثر عليج وضايقج؟....تدرين:مافي شي يستاهل زعلنا ابدا,,عشان جذيه انا عن نفسي لما احس انه الى معاي يفهمون تصرافتي بالطريقه هذي تكون ردت فعلي سريعه ما اطلع من المكان الى انافيه وانا شاله في خاطري منهم بالعكس ارد عليهم وباسلوب حلو ..واهم من كل هذا اني اكون هاديه :27: :27: