يا جماعه ابي رايكم في هالموضوع

يا جماعه ابي رايكم في الموضوع الي بطرحه عليكم..........
الله يسلمكم زميلتي الي وياي في الجامعه المفروض تعرس على اخر هالسنه والي حصل ان ريلها تغيرت امور شغله وما عنده وجت للعرس إلا على الفصل الثاني من هالسنه يعني بنكون في وجت دراسه وامتحانات فلما طلبت منه يأجل العرس للسنه الثانيه جال مستحيل نأجل العرس كل هالوجت فكان رأيي هو انها توجف الفصل الثاني عشان يجدروا يعملوا العرس ويسافرون شهر العسل الي راح يطول لأكثر من شهر وبعدها يرجعون وما رضى يسون العرس وهي تدرس لأنها ما شاءالله عليها طالبه متميزه ومعدلها كثير حلو ويخاف مستواها ينزل بسبب انشغالها في العرس وتجهيزاته وانشغالها فيه هو حاليا انا وهي ماخذين عملي ومعاها ماده دراسية والعملي ياخذ نص اليوم يعني من الساعه ثمان الصبح للساعه وحده الظهر والماده طوال من نرجع من العملي بس المسكينه الحين مفكره تاخذ ثلاث مواد إلى جانب العملي وبكذا راح يبجالها مادتين فبتوجف الفصل الثاني وبتاخذهم في الصيف وبكذا بتكون رضت ريلها ( خلاص مكتوب كتابهم على بعض ) وتخرجت هالسنه مثل ما كانت مقررة
فشو رايكم انتم في حلها هل هو حل مناسب في نظركم مثل ماهي تشوفه؟؟؟؟؟؟؟