ياحريم تعالوا وقولوا لي رايكم في الي تسويه حماتي ؟؟
هي طبعاً حرمةكبيرة وعايشة مع عيالها أحياناً عندنا وأحياناً عند أخو زوجي
وطول ماهي عندي أحس إنها تحاول تظهر لزوجي إنها تقعد تشتغل فالبيت رغم إنها ما تسوي شي
إلا حاجات بسيطة جداً وكنت أطنش الموضوع وأشوفه عادي لأني ولله الحمد مقدرتها وأستحي منها كثير
ومعاملتي معاها زينة
ما أمدح نفسي بس والله هذا الحاصل
ما لكم بالطويلة الخلاصة إنها اليوم صدمتني
كنت أطبخ الغدا ودخلت المطبخ جابت المكنسة الكهربائية ودخلت تكنس غرفتها
بعدين خلصت وطلعت جلست فالصالة وكنا نطالع التلفزيون
وأنا أدخل المطبخ وأطلع عشان أكمل الغدا وكانت منسجمة مع البرامج
المهم ياطويلات الأعمار جا زوجي بدري عن العادة شوي إلا والعمة تسمع باب الحوش يتقفل
إلا وهاتك ياجري (أنا كنت واقفة فالمطبخ بس أشوف واسمع الي بره لأن الباب مفتوح والمطبخ يطل على الصالة )
نكمل...وأطلقت عمتي سيقانها للريح وتجري وتطيح على المكنسة وتمسكها وتشغلها وتسحبها على الصالة
الي يدخل ويشوفها يقول إنها على هالحال من الفجر
وهذي هي الحكاية لا وتسوي نفسها متفاجأة بجية ولدها
أنا بصراحة مصدومة من الموقف وما أدري وش نيتها
هي تبغى تفهم ولدها إنهاعلى ذا الحال تكرف من يداووم إلين يرجع
ولا إني ماأسوي شي وهي الي قايمة فالبيت
ولا ولا ........
فحبيت آخذ رايكم فالموضوع ولو كنتم مكاني وش بتحسون وتفكرون
مع العلم إن هذا أول موضوع لي فها القسم
يعني لا حد يجي يهاوشني ويقول أنا الي ما فيني خير و و و من ذاك الكلام الي تخبرون:22:
إحساس القصيدة @ahsas_alksyd_1
عضوة نشيطة
يلزم عليك تسجيل الدخول أولًا لكتابة تعليق.
هند فوزان
•
مدام زوجك ماقال شيء خليها براحتها ولا خلي لين تجلسون كلكم وقوليلها ليه يخاله تعبين نفسك وتشتغلين انا مقصره معك بشيء ويكون ذا الكلام قدام ولدها علشان بعرف انك مانتي راضيه على اللي تسويه امه والله يهديها لك ويسخرها
همسات.
•
يحليلك هذي الحركات عندنا ووووواجد حتى في احتمال نصدرها للخارج من كثرتها..
خليها تكنس وتنظف بوجود ولده ومن دونه سوي نفسك مو منتبها واذا سألك زوجك قولي غريبه مع انها كانت تتابع التلفزيون؟؟؟؟
واذا انتي اخلاق معها شوفي وقطي البحر ..واذا رفعت ضغطك انغزيها بالكلام ...
بس انا الحركه الي ترفع ضغطي لما تمسك عيالي وتحب فيهم وتخمخم قدام ولدها..واذا خرج شوفي عيالك وربي عيالك؟؟؟؟؟؟
خليها تكنس وتنظف بوجود ولده ومن دونه سوي نفسك مو منتبها واذا سألك زوجك قولي غريبه مع انها كانت تتابع التلفزيون؟؟؟؟
واذا انتي اخلاق معها شوفي وقطي البحر ..واذا رفعت ضغطك انغزيها بالكلام ...
بس انا الحركه الي ترفع ضغطي لما تمسك عيالي وتحب فيهم وتخمخم قدام ولدها..واذا خرج شوفي عيالك وربي عيالك؟؟؟؟؟؟
ههههههههه
نفس حركات خالتي
ياشيخه كبري عقلك حرمه كبيره وحطي نفسك مكانها تحب تظهر للناس انها لازالت تعطي خليها على راحتها وخبري زوجك انك مو مقصره معها
نفس حركات خالتي
ياشيخه كبري عقلك حرمه كبيره وحطي نفسك مكانها تحب تظهر للناس انها لازالت تعطي خليها على راحتها وخبري زوجك انك مو مقصره معها
الصفحة الأخيرة