يا حريم ليش انتو كدا + قصتي مع الفرج

ليش خناقات مع رمضان وسوء الفاظ ومعايره والله ما نلوم الرجال منكم ،، ليش الانانيه كل وحده تفكر بنفسها وما تحس بغيرها كل وحطه تبغى تهرب من ظروفها على حساب غيرها وعلى دمار نفسيه حرمه زيها .. يعني نفسيتك تتحسن على حساب غيرك عندك مشاكل ومضغوطه كلنا زيك محد خالي ،، انا مريت بضغوط مثلي مثل كل الناس بس ما اتصرف تصرفات توديني ورى الشمس ،، تبغى تهرب من بيت اهلها بالزواج من متزوج والحرمه الاولى طز فيها انا ايش ذنبي اترمل ؟؟؟؟ طيب هي كمان ايش ذنبها تعيش مع نص رجال ؟؟؟؟ يا الله قلوب قاسيه تفكر بنفسها جاها اعزب ورفضت جاها مكلق ورفضت عشان لا تقول عني عانس زي ما عايرت البنات انا الحمدلله مخطوبه الحمدلله وقرات سورة البقره ثلاث شهور وربي رزقني ما شاء الله لا حول ولا قوة الا بالله ما رزقني شي بسيط لا لا لا رزقني كل المواصفات وكفايه الاخلاق والطيب واهله طيبون واصل وفصل ونعمه قولو ما شاء الله تبارك الرحمن كنت استغفر وادعي خمس سنوات وقرات سورة البقره لمده شهور ورمضان اللي فات ما تركت صلاه تراويح ولا قيام الا وادعي فيها اشرب زمزم ادعي اروح عمره ادعي استغل مواطن الاجابه وادعي وكنت اتمنى الخير للكل وما احسد احد قلبي نظيف ولا اتمنى خراب حياه احد ،، كنت ادعي لكل المسلمين والمسلمات كنت كثيفه الدعاء والصدقه على طول صدقه بمبالغ كبيره واحتسبها عند الله وشوفو ربي رزقني وعوضني كنت واثقه بالله ،، اصلا ما ابغى اكتب تفاصيل عن مواصفات خطيبي عشان لا احد يتحسر ليش اعاطاها وما اعطاني ،، لاحظت مواضيع اعتراض على الارزاق ليش اعطاها وما اعطاني وليش وليش بصراحه خفت وتراجعت حسيت الدنيا ما فيها خير حتى التحاسد بعالم افتراضي يعني ما خلصنا من الواقع نتحاسد ونتحسر من خلال النت ،، انا عارفه اغلب الحريم مشاكل وهموم مع زوجها فما حبيت اكتب صفات خطيبي عشان لحد يتحسر ،، تكلمت مع بنات كثير بالخاص ونصحتهم بسوره البقره والاستغفار والله يفرج همومهم ويفرج هم الارمله اللي تبغى تكلم متزوج يتزوجها ،، انا ما الومها البنت مضغوطه نفسيا من اهلها ومتوهمه وسقف توقعاتها عالي بالرجال عشان حنون على اولادها الله والله اتمنالها الخير هي مضغوطه نفسيا وتعبانه من خلال ردودها واضح شخصيتها وتعبها النفسي ،،، الله يرزق المسلمين من خلال النت اتعلمت واكتشفت قلوب ونفسيات غريبه وناس تتحسر على الدنيا والله خفت انزل تفاصيل سعادتي وخطوبتي المثل المصري يقول داري على شمعتك لا تنطفي ههههه ،،، ترى عمري لسه بالعشرين وربي رزقني زوج صالح ترى الكل يتألم من الدنيا قبل ساعات او كم يوم وحده نزلت موضوع انو رزقها الله طفل فتحت مواضيعها القديمه لقيتها تشتكي تاخر الزواج زي بعض البنات وفرحت انو ربي رزقها وعوضها ورزقها وعمرها فوق ال ٣٥ سنه وهي كانت معلمه على الاقل تخرج من البيت ووظيفه تتسلى فيها وراتب يرفع الراص في غيرها لا وظيفه ولا زواج هاذي ايش تسوي الله يصبرهم يارب ،، في قصص تخوف عن الزواج وحالات صعبه اي بنت تدخل المنتدى راح تخاف من الزواج والرجال ،، انا اسجد كل يوم سجود شكر انو ابتلائي كان خفيف مجرد تاخر زواج وعوضني ورزقت ولسه عمري ٢٧ سنه ،، انا ما عندي صحبات ولا صديقات بس خلاص اذا اختلطت بالناس واتصاحبت مع جيران وغيره راح اكون كتومه ما اتكلم على سعادتي مع زوجي ،، البيوت اسرار وبلاوي ،، اختي تصور التمشيات مع زوجها بالسناب شات امي وبابا يخاصمون فيها امي تقولها انا امك ونفسي اتمشى زيك واحسد اجل كيف الناس امي تخاف علينا من الناس جربت الدنيا ونفوس الحريم كيف تعبانه الله المستعان بس ،،، اكتشفت الناس ما تحسد على فلوس ومنصب وجمال لا لالالا كمان تحسد على علاقات لو وحده علاقتها حلوه بزوجها او علاقتها حلوه باخواتها او علاقتها حلوه بامها وابوها او اهل زوجها اتعدينا مرحله الحسد على جمال وشعر صارو يتحاسدون على ابو سروال وفليله ،، لا احد يقولي الزواج مو كل شيء بالعكس نصف سعاده المراه بالزوج الصالح السند الظهر واللمه والاسره الصغيره اي وحده مرتاحه مع زوجها نفسيتها زي الفل وعيالها ناجحين واحسن الناس بالعكس الزوج الصالح مطلب هذا الزمن هو الراحه والامان بعد الاب والام الله يخليهم ويرحم موتاكم ،،، صفو النيه وشوفو كيف ربي يرزقكم ،، معليش تنقرصون احيانا ليش فلانه وعلانه بس تعوذي من الشيطان وانتظري العوض من الله ،، اذا اشتغلت او اتعرفت على جيران مستقبلا بعد الزواج راح اصير كتومه عن اخبار زوجي وحياتنا واطفالي وهواياتي ونجاحنا ،، انا على نياتي وطيبه مرررررررره بابا كل يوم يعطيني دروس من الحياه ،،، يارب ارزقني الصحبه الطيبه والجيران الطيبون وناس نفوسها صافيه ،، اتعرفت على برماويه استاذه تحفيظ قران وزوجها فقير وما عنده وظيفه والله انها سعيده وراضيه حتى فرحت بخطوبتي وعرفت انو نصيبي حلو وفرحت اكثر واكثر وتجلس تدعيلي وتنصحني وتدعمني بالكلام الايجابي ،، شوفو وضعها وحياتها بس ما حسدتني بالعكس راحت عند امها تبشرها اني انخطبت شوفو اهل القران كيف نفسياتهم حلووة الله يرزقنا مثل نفسيتها وايجابيتها وطموحها حتى طموحه بالدعوه والارشاد مع انو مستواها المادي ضعيف وايضا مستوها الثقافي والتعليمي قليل بس تنشر الدعوة بالتحفيظ وعندها طموح عالي رغم ظروفها الصعبه وما عندها جنسيه وشهاده بس زوجها سعودي ،،، يا رب ارزقني بحياتي المستقبليه ناس طيبه وقلوبها صافيه وتتمنى الخير وما عندهم امراض نفسية واخلاقيه .. والله الردود اللي بالمنتدى ما تبشر بالخير ولا اللي بالانستقرام ،،، انا ما اعمم والتعميم لغه الجاهل بس اغلب الناس سيئون الاغلب الاغلب والله الغالبيه ،، طبعا المنتدى اسوأ من الانستقرام مع احترامي للجميع هنا مليان مليان حسد وليش فلانه وعلانه ،،، على فكره اغلب المقارنات والحسره الاقيها على النصيب بالزواج والرجال وحظها وسفراتها وحب زوجها وعلاقتهم و و و و و و الخ ،، ترى العشر الاواخر فرصه انا من الفطور الى الساعه ٣ ليل وانا بالمسجد الفتره بين التراويح والقيام دعاء والصلاه على النبي انا ما اترك الايام الفضيله حتى يوم عرفه شهر الحج ما اقوم من السجاده ترى الدعاء يغير الاقدار حتى لو مقصره بامور اخرى واحيانا تنامي على الصلاه بس استمري باصلاح صلاتك ونفسك لا تقولي ما في فائده بالعكس المجاهده تاخذي عليها اجر .. الله يرضى عليكم بلاش ردود تضيق الصدر تكفووووون بس بس والله ما الوم الرجال بابا يقولي ما في حرمه صاحيه هههههههه الحرمه عدوة الحرمة