يا حريم يابنات الله يخليكم ساعدوني

أحب أقول حق الناس اللي يعرفوني يسترون علي "ومن ستر على مسلم ستر الله عليه في الدنيا والآخره "
المهم أنا بنوته حلوه ملجت من حوالي 3 شهور أو أربع وكنت أرمس مع ريلي بس جريب إنقطع الإتصال بينا وحتى الزيارات من ناحيته وطبعاً بحجة إني لازم أنتبه لدراستي ، كنت مصدومه لها الشيء منه بس هو أصر على رايه المهم
يلست إسبوعين وأنا متضايجه وااااااااااايد ، لأني أصلا كان ما في أحد أتكلم معاه وأنا مرتاحه قبل ما أتعرف عليه ، بس عقب ما تكلمت معاه سرت واايد مستانسه لأني حسيت في أحد يسأل علي دوم ، ويهتم فيه لو كنت زعلانه ، يعني حتى البنات لاحظوا علي التغير وقالوا وي فلان غيرج خلاج مستانسه وفعلا شخصيتي تغيرت من إنطوائيه لإجتماعيه وصار لي أهداف في الحياه يعني إنتقلت من حالة الإكتئاب إلي أنا كنت فيها لحاله من التفاؤل وحب الحياه .
المهم بعد كم إسبوع من الحادثه كلمت أمي بها الشيء ، وأمي صحيح إنها تحبني بس هي ما تحب أهل ريلي مب أهل بيته لا أهله الثانيين لأنه مشاكل صارت بينهم ( على فكره ريلي هو من الأهل ) فأمي قالتلي لا تعبرينه خليه ها الرياييل ما يستاهلون ، صحيح إنهم ما يستاهلون بس أريد علاقتي فيه تكون صداقه أكثر من إنها زواج .
المهم :30: ألحين دوم أفكر فيه ، وأريد أتصل في صحيح إنكم بتقولون ويهي لوح بس والله دوم أفكر فيه ولما ألاقي مسج حلوه في النت ولا في التليفون أقوم أطرشله
يعني بديت أحس بميل قوي جهته ( ما أدري شو ها الشعور) لما يرمسون عنه قلبي يدق ولما أحد يغلط عليه بكلمه ( طبعاً من وراه) أرد عليهم وأقولهم لا فلان حبوب طيب ولو ما قدرت أرد أسير فراشي وأيلس أصيح .
وألحين سؤالي ها شو معناه ، وأنا أريد أتاقش بعض الأشياء قبل العرس معاه
وأريد أسأل عن أخباره
والشو الحل