والله ما اعرف ايش اسمي هالطبق لاني اجتهد وطلع معاي ..
اول شي .. قطعي اللحم صغار وسلقيه بالمي تقريباً مدة نص ساعة ولا ربع ساعة وعلى ما يسلق ,, اقلي بطاطس وجزر وفليفلة بالشكل اللي تبينه اصابع ولا مكعبات ولا شرائح براحتك ..
بعدين سوي خلطة ,, ملعقتين روب وبيضه ,, وملح وبهارات ,, وشوسة كاتشاب ولا مو لازم اذا ما تحبينه انا استغنيت عنه .. وتالي خلطي اللحم المسلوق بالخلطة واقليه بعد ما تشيلين الخضار من الزيت ..
بعدين جيبي صينية بايركس .. وصفي الخضار المقلية فيهم ..
بعدين صبي فوقهم طماطة مطحونة مع شوية ملح .. وصفي فوقها اللحم بعد القلي ..
بعدين صبي فوق اللحم بعد طماطة مطحونة مع ملح وصلصة طماط حمراء ودخليها الفرن لمن يتشف ماي الطماط ..
وبعدين سوي رز ابيض عادي وقدمي الغداء بالهناء والعافية ..
وبعد ما طلعت السفرة بره حطيته ع السفرة للاكل ..
لازم نجربه