اميره طلال :

الموقع معاي مايسمح باكثر من 8 ردود لوحه الحمدالله ع سلامتك وسلامة بنتك وفعلا بالولاده محد ينفعك الا الله وحده سبحانه وتعالى الله يسهل علينا يارب ويرزقنا الولاده السهله الميسره بنتك كيفها الحين بعد الكسر ؟ ام جوري اهلي بالديره مو بالرياض وماعندي احد منهم ابداً وهو قايل لهم من بداية رمضان انا مو معاكم بالعيد بس اهله كنسلو سفرتهم فقال بنعيد بعدين تخيلي يجيني الوجع ونا عندهم وكلن يدري اني بروح اولد انا مابي احد يدري اني رحت اولد ، حتى قلت له لارحت المستشفى مابي احد يدري ، لان سبحان الله يقولون اللي يدرون عنها رايحه تولد ياخذون طلقها مقوله عندنا عشان كذا مابي احد يدري ، ومنها اذا راح هو وجاتني الولاده بيدرون انه راجع عشاني مابيتركهم كذا والعيد 3 ايام مو يوم واحد

الموقع معاي مايسمح باكثر من 8 ردود لوحه الحمدالله ع سلامتك وسلامة بنتك وفعلا بالولاده محد ينفعك...

لوحه خواطرفنان :

بسم الله وعلى بركه الله ابدا اكشن ولادتي تحذير اللي قلبها رهيف لاتقرا قصة ولادتي قبل اسبوعين من الولاده رحت للطوارىء بسبب نزول دم ومن يومها وانا احس بحر غير.طبيعي لدرجه اني صرت امشي ومعي علبه ثلج في الاسبوعين اللي فاتو كنت كل يوم اشرب كاس كبير من عصير طازج اناناس بالكيوي وامشي ساعه او اقل فقط ومافيه اي بوادر طلق ورحت موعدي عادي قالو كل شيء تمام وجلست عند زوجي لاجل ارتاح من ازعاج بنتي لانها صارت ترفع ضغطي ومن كثر المحاوله في فتح الرحم مافتح غير واحد ونص سانتي طول الاسبوعين اللي فاتو فرأيت مره رؤيا فيها تكرر رقم ٢١ واشوف اطفال مواليد وكنت اقول لحرمه بالرؤيه رقم طفلك ٢١ليه خايفه يشوفونه المهم رحت لموعدي الاسبوع اللي فات وكتبو لي موعد بتاريخ ٢١ اللي هو امس فتذكرت الرؤيا فقالت لي اختي يمكن ولادتك بتاريخ ٢١لاني تعبت من المشي يأست من الولاده وكبرت المخده و رجعت لبيتي رتبت المخزن وضفيت عفشي وغسلت ملابسنا وامس غسلت ملابسي كأن قلبي حاس وتروشت وازلت الشعر بموس سريع سريع وتابعت مسلسل وانا جالسه جلسه قرفصاء ومتمسكه بطاوله قدامي لمده دقيقتين او ثلاث وحاولت انام ماقدرت مع ان فيني النوم ماقدرت وموعدي الساعه وحده الظهر جاني ارق فضيع والم بالظهر صار يتكرر اذا صرت ابي دوره مياه وانتو بكرامه من طلعت من دوره المياه وانا احس بضغط برحمي وضغط بالمثانه فچأه نزلت المويه كانت دافيه لبست فوطه ولبست بشويش وربطت شعري وانطلقنا للطوارىء انفجع زوجي ماكنت احس بالم بس تصنعته لاجل يسرع فكان فيه مطبات كثيره ارتجيت الين قلت بس وهذا زاد من دفع طفلتي لاسفل دخلت الطوارىء ماقدرت اوقف المويه تصب دخلوني بسرعه في قسم الكشف قبل الولاده لماكشفو قالو ٤سانتي والراس قريب ودوني قسم التنويم واتعبني الحزام مؤلم مره كنت اسمع ثنتين يصارخون رفعو ضغطي ادري انكم تتالمون بس لاتصارخون صار الكل يطنشهم وانا معي كتيب ادعيه اهدتنياه امي فيه كل ادعيه المحتاجين والمتضرعين فكنت اقرا وادعي والحمدالله جاني طلق طبيعي كلما حسيت به عملت عمليه تنفس شهيق زفير واركز على التنفس وسبحان الله يخف الالم وصار يجي كل خمس ثواني ماعدت اتحمل كنت اون بصمت ورحموني الممرضات يقولون اصرخي قلت بخلي طاقتي للولاده كنت اعض قطعه شاش خففت علي وكنت اكرر هذا تكفير لذنوبي تفائلي كلها ساعات وتشوفين بنتك كنت ابرمج عقلي الباطن على اني برتاح بعد الولاده اذاراح الالم واذكر الاشياء الحلوه الى ان شد علي الالم طلبت مسكن ونقلوني لغرف العمليات صرت ابكي بجنون من الالم بس بجد الطلق الطبيعي ارحم من الصناعي بكثير صرت اصرخ على القابله زاد الالم ومازال الرحم اربعه سانتي اعطوني مسكن مافي فايده صرت اتألم اكثر مر علي شريط حياتي امي اهلي ابوي اخواني وكل اللي اذيتهم واذوني فانكتمت وصار صعب التنفس علي وعلى طفلتي ذقت الم الطلق من سبع الصباح الين ٣العصر ومازال الرحم اربعه سانتي فجأه حسيت نفسي ابي ادفع رفضو صار الامر غير ارادي احس بنتي بتطلع صارخو اربعه سانتي خطر لاتدفعي وغصب دفعت لان راس بنتي بدا يطلع فقالو ادفعي لان مايقدرون يرجعونها خلاص قضي الامر حتى ابره الظهر ماينفع اخذها ولا اعطوني ابره الفخذ ماامداهم فوسعت القابله بيدها حسيت نفسي اتقطع من الالم ومن غير اي توسيع دفعت بقوه وقالو اذا وقفتي البيبي بيموت المكان ضيق مافتح كله ودفعت ودفعت وصرخت الين بح صوتي وطلعوها وغسلوها وصارو يسولفون معي يقولون لو ماكانت بنتك صغيره كان حولناك عمليه ومااحتجت خياطه ولاشيء بس صرت احس بالم اثناء التبول وحرقه والسبب القسطره وخروج راس الجنين ولاني مقصره باكل الحديد جاني نزيف ومازال مستمر غيرو لبسي اربع مرات بسبب النزيف ولكن ماحصل لبنتي للاسف طلع عندها كسر بالكتف لان القابله كانت تحاول انقاذها لحظه خروجها وقالت لي انتي دفعتي وماعطيتينا فرصه نخدرك او نعمل توسيع قلت غصب علي راس البنت قريب وحسيت فيه الان وضعي مستقر بس جسمي صار كله بقع حمراء كأنها حرق ووجهي نفس الشيء يمكن من حراره الطلق والحمدالله الطاقم يجنن ضحك وسوالف لي تسع شهور ادعي ربي يرزقني بقابلات عسل والحمدالله والاهم لاجل يحترمونك احترميهم ولاجل يكونون حلوين معك ابتسمي لهم حتى وان كانو كفار وامزحي معهم لاني لاحظت انهم يقدرون اللي يشكرهم ويضحك معهم ويهتمون فيه واهم شيء لاتصرخين الا اذا وصل الالم ذروته لدرجه يصعب التنفس ولاحظت ان اللي تصارخ مايطالعون فيها ويعصبون منها مثل اللي معي كانت مثلي تتالم لكن تصارخ صارو يسفهونها اماانا كنت اعض على شاش واذكر نفسي بان الله معي وهذولي بشر مابيدهم شيء بس بصراحه نسيت كل شيء لما شفت بنتي ودعيت لكم كلكم والان احس جسمي مكسر والمنطقه الحساسه تألم ومااقدر امشي امي جابت لي خلطه خففت الم الرحم والحمدالله على كل حال احتسبي الاجر لاجل تتكفر ذنوبك وقت الولاده وتذكري انك بيد الله يعني لاتؤمنين ان نجاتك بيد البشر لا أؤمني ان نجاتك وكل شيء بيد الله

بسم الله وعلى بركه الله ابدا اكشن ولادتي تحذير اللي قلبها رهيف لاتقرا قصة ولادتي قبل اسبوعين من...