عضوه في منتدى حواء :

اميين الله يطمنك يارب ، ربي لايفجعنا والله انا انهبلت و يوم رفض زوجي كنت بكلم اخوي من كثر الخوف واروح اشوف بس قلت بيزعل تعوذت من الشيطان و استودعت الله جنيني الله يقر عيونا بشوفتهم وحنا وهم بعافيه وصحه يارب ..

اميين الله يطمنك يارب ، ربي لايفجعنا والله انا انهبلت و يوم رفض زوجي كنت بكلم اخوي من كثر الخوف...

مناديل بنده :

صباح الخير عليكم ياكروشاتي الله يرزقكم الولاده السهله ياكرييم اكشن ولادتي 💃💃💃🎉🎉🎉🎉💕 كنت توني راجعه من استراحه امي حاطتها وعازمه خالاتي وبناتهم على فطور وسحور ورجعت ابيتي الصباح الساعه تقريبا 7 الصباح وجلسنا نسولف انا وزوجي لين 9 ونمت صحيت الساعه 12 على الم خفييييف قلت شكله طلق كاذب دايم يجيني ذا الالم متباعد يعني كل نص ساعه واحيانا كل عشر دقايق يعني موب منتظم ومتباعد قمت قلت بكوي ثوب وارتب عشان لو كانت ولاده اصير جاهزه واغراضي وشناطي مسكرتها ومجهزتها لي اسبوعين او اكثر المهم دخلت اتروش بمويه دافيه قلت ممكن يكون كاذب ويروح بس الالم لازال موجود افطرت واكت رطب وشربت مويه زمزم وجلست امشي في الشقه ادور 😂😂 جهزت اغراض ولدي على اساس بخطه ياعند خالتي ولا عند اهلي واصحي زوجي على الفطور ونفطر يوم اذن العشى قلت اني احس بالم بس شكله بدايه طلق قال يله خلينا نروح نشوف وهو باصم بالعشره انه كاذب من كثر مايجيني ذا الطلق الكاذب 😂💔 طلعت من البيت على اساس بروح لمستشفى المملكه دكتورتي هناك واراجع هناك بس مع الاسف طلع مسكر صدق واروح لمدينه الملك فهد المدينه يبنات تحححفه الي تقدر تولد فيها تولد وهي مغمضه عيونها (( افتحي رجولك وانتي مغمضه )) 😂😂 كذا اسميها من كثر اهتمامهم فيك وفي الطفل نرجع لمحور حديثنا دخلت عليهم طوارئ سوولي تخطيط وكشف قالت مفتوح واحد صانتي والطلق بارد وانتي معديه 41 اسبوع لازم تولدين باقرب وقت خوفتين قلت خلاص ولدوني انتم قالت مانستقبلك انتي ماتراجعين عندنا قلت بس انا ولدت ولادتي الولى عندكم المهم توصلت معهم لرفض طلعت من عندهم واتصلت على دكتورتي قالت لها بروح دله وتعالي هناك قالت المشكله اني في اجازه والمستشفى مقفل لوه فاتح دخلتك وجيتك رجعنا للمملكه واخذت ملفي ورحت طوارئ دله دخلت وقابلتني دكتوره سودانيه قرت ملفي وفحصتني قالت بسوي لك تحريض وسوت لي تحريض يارب يا الالم بس كله يهوون ودخلتني تنويم كان فيه الدكتوره شاهيناز قلت لها ابغا اسوي استدعاء لدكتوره ايه قالت لي ايه في اجازه قلت طيب ولديني انتي بس ابغا خياطه تجميلي قالت ما اسوي تجميلي فيه دكتوره كلثوم موجوده قلت خلاص الي تبون اهم شي اخلص سويت التحريض الساعه 11 الظهر وهي كشفت علي 3 الفجر صار مفتوح 3 ونص قالت بعطيك طلق صناعي عشان تولدين بدري الله لايحدكم يبانت على الطلق الصناعي ويرزقكم طلق ربي يارب اول ماعطتني اياه الم غير طبيعي رجولي معاد احس فيها والظهر ماسكني والبطن واجلس ادعي ماخليت احد حتى انتم دعيت واقول ياررب ماتذوق وحده من الحوامل ذا الالم يارب انك تيسر لهم يارب عظم اجرنا بس طلبت ابره عظل وعطتي من قوه الالم ماحسيت بمفعولها واطلب اكسجين بس ماعندهم تعطيني اكسجين هوا عادي مافيه مخدر ولا شي جربت الاكسجين في المدينه يا الله الجنه مررريح مع الابره المهم على الساعه 6 فتح 9 سانتي ويدخلوني ولاده وانا ادفع واهم يدخلوني الغرفه والدكتوره بااارده دفعت دفعه طلع راس بنوتي وتدخله الممرضه حسبي الله عليها وتتنادي دكتورررررره وذا الدكتوره باارده تجي باقل من مهلها وانا اطارخ على الممرضه وخررري يدك انا حاسه براسها وهو يطلع المهم خلصت من الولاده الحمدلله وطلعت المشيمه قبل ماتخيط قلت لها ابببي مسكن وعطتني الله يعافيها وجلست تخيط وحطوني في الملاحظه ساعه ونزلت لغرفتي والحمدلله انا في بيت اهلي منسدحه وبنوتي جمبي سميتها رافال وعقبال ماتجون تبشرونا بولادتكم ياارب وتكون سهله

صباح الخير عليكم ياكروشاتي الله يرزقكم الولاده السهله ياكرييم اكشن ولادتي 💃💃💃🎉🎉🎉🎉💕 كنت توني...