يا حليله والله انه ابن حلال خطفهن من المدرسه ورجعهن في نص الطريق....

بنات هذي القصه لها كم سنه البنات الي صارت لهم القصه بنات جماعه وتواعدن انه ما يخبرن احد في الموضوع هذا واختي من بينهم
والقصه هي
هم خمس بنات من جماعه وحده في مدرسه متوسطه اخر الدوام يجي اخو وحده فيهم وياخذهم اسمه (خالد) معه كريسيدا بيضاء وفيه ميدليه معلقه قدام مثل العروسه وهويلبس نظاره وكاب طبعاالشبه بينهم كبير حتى السكسوكه مثله
وحده تصير عمته ملتزمه
المهم
في يوم خرجوا من المدرسه ولقيوا السياره كالعاده في مكانها وفكن الباب والاخت شوي مليانه وتدخل قدام
والبنات وراى ودار ها الحوار بينهم
بعد ماركبوا الاخ ساكت كان الوضع عاجبه
اخته وعمتها سلااااااااام خالد جبت فلانه من المدرسه (يهز راسه) البنات سواليف شفتم فلانه وعلانه
الله يقطعه ابله فلانه طردتني من الحصه وووووووووووووهات لك يا سواليف وينادن بعض باسميهن العمه خالد رخي بالاغاني ويش هذا (ويهزا راسه ويرخي بكل ادب)
والاخ ساكت عاجبه الحال والله يابنات اختي تقول من جد ما فرقنا ولاانتبهن انه ماهو هو
طبعا الكلام صار هذا كله وهم خرجوا عن الشارع الي فيه المدارس وطلعوا لجهه الشارع العام
وفحأ÷ اخته تكلمه بموضوع وقت الغشنه الي ورى وهو ساكت ويتبسم وهي تصرخ
خااااااااااااااااااااااااااااالد والله انك مانت خالد وتقعد تجعر حعير
والبنات يصارخن الله يخليك وقف نزلنا وهات لك يا صياح وصياح
وهو يوقف ويقول اطلعن وهوميت ضحك (من جد حيوان) والملتزمه تدعي له الله يخليلك خواتك
وفكن البيبان وينزلن على الرصيف وحده تركت بابها ونادها وقلها تعالي صكي الباب والخبله من الخلع ه ترجع وتصكه
ورجعن للمدرسه يصيحن ويضحكن وتعاهدن انه ما ينتشر الخبر عند جماعتنا ووفن بالوعد
المهم يوم نادى البواب على خالد الي من جد
طلعن وفكت الباب اخته وقالت /خالد
ايوه
متأكد
الله يرجك ايوه
وطلعن وكل شوي تسأله خالد
الين هبدها على راسها وقال وجع ذبحتيني خالد خالد
وبعدين ارتاحت بعد الضربه الي من خالد
والحمدالله على سلامات اختي والي معها