يا حوائيات...ساعدوني في صبغ غرفة أولادي

السلام عليكم يا حوائيات

مثل ماهو واضح من عنواني ..أبغى أجدد غرفة عيالي وكنت ناوية على ألوان معينة اللي هي الأصفر الليموني أو المنقاوي مع أثاث خشبي وأصفر بس لأني مصرة على شراء غرفة أطفال مستوردة (ما أبغى تفصيل ) ودرت عدة محلات بجدة مالقيت غرفة جاهزة على هواي في الحجم إلا غرفة بيضاء وداخل فيها الأزرق وشافوها وعجبتهم والحمدلله .

السيراميك في غرفة أولادي شطرنج أبيض وأزرق والغرفة بيضاء وداخل فيها الأزرق (نفس درجة السيراميك)
طبعا السيراميك ما غيرته كنت بأغيره في حال اختياري للألوان الصفراء بس الحين ماشي مع لون الغرفة 100%
بس البوية كانت سماوي فاتح جدا يكاد يكون أبيض مع كنار.طفولي .

السؤال يا غاليات:
إيش أسوي لون بوية الغرفة؟
طبعا أنا بما أن السيراميك لونين والغرفة لونين فكرت أسوي جدار كامل لون أزرق اللي هو في صدر الغرفة وخلف الأسرة أو مقلم ..طيب إذا أزرق هل أسويه فلفيت ولا شموا ولا إيش بالضبط ؟وباقي الجدران ويش اخلي لونها؟
وان كان مقلم ايش أخلي لونه ...؟ ولا أدخل ورق مع بوية سادة ؟ ولا ؟ ولا؟ :35:أنتظر آراءكم الله يسعدكم لأني جد محتارة خاصة ماني من النوع اللي يجدد باستمرار يعني غرفتهم الحالية لها 6 سنوات تقريبا ما شاء الله وأعمارهم الحين تقريبا 11و 8 و4