السلام عليكم ورحمه الله وبركاته
وربي ما شفت الصوره
ولا كانت علمتج اذا كان بمقدوري

ام ميثا تعاليلي 00
شلون نشرح نظري

لازم عملي

:26:

هذي الصورة


يا بنات اللي تعرف تشرح عملي مب نظري عالأقل تقولنا الألوان المدموجة شو هي
ومن أي ماركة ؟
و شو رقم واسم كل لون؟
وشكراً لكم :23:

خيالية
شكراً لج حبيبتي :27:

ياريت كنت أعرف :44:

كنت سويت لنفسي أول :22:





و بعدين علمتكم الطريقه :27: (اللي مايطول العنب ؟؟؟)

مع تحياتي لكم
أختكم ام صلوح الملوح

أول شي السلام عليكم ورحمة الله وبركاته،،،
عزيزاتي اذا بغيتو أي شي يخص المكياج ما عليكم سوى طرح أسئلتكم وانا بجوابكم وبفيدكم انشالله... هههه
انا طلعت عندي صورة مكياج عيون على لون بنفسجي ، اذا هذا اللي تستفسرون عنه... تابع:






الخطوات معروفه عند كل الناس.. أول شي عقب الكونسيلر وكريم الأساس والبودره....
1- نحط الآي شادو ( لون واحد على كامل الجفن) سواء كان بنفسجي ولا أي لون.. واذا حبيتي يطلع عندج نفس اللون اللي بالصوره حطي اللون الفوشي أو البنفسجي مع الرمادي ولوني الجفن سواء بالفرشاه الخاصه او اسفنجة الآي شادو... واذا كان الأي شادو اللي عندج مافيه لمعه (أي شادو مطفأ) حطي فوقه أي شادو يلمع ( لمعه بيضه أو لؤلؤيه) .. ايبيعونه في محلات المكياج ولا زوايا المكياج في السوبرماركت... وانا يا أخواتي ما أنصحكم بالركض وراء الماركات والاعلانات.. لنه عباره عن ضياع بيزات وبس...وشو الفايدة وحده تشتري آي شادو غالي لكن ما تعرف اتطبق؟؟ وبعدين انا كتبت رد على موضوع نفس هالموضوع وحده كانت تسأل عن طريقه الآي شادو الدخاني.. وسألت نفس السؤال عن درجه اللون وأي ماركه وكذا... ونصحتها باستخدام اسفنجه تطبيق دقيقه مبلله بالماء أو كريم.. وانا أفضل الماء لنه يعطي أفضل النتائج وأحلى الألوان..
2- بللي اسفنجه التطبيق بقليل من الماء وحكيها على الأي شادو... بتلاحظين فرق اللون كيف كان وهو جاف وكيف استوى عقب ما اتبلل بالماء اشويه... بتشوفين ان اللون الحقيقي طلع... وبتلاحظين سهوله في التحكم و التطبيق...
3- عقب ما اتلونين الجفن ونصف الجفن السفلي بنفس اللون ( الجزء القريب من الرموش السفلية فقط مب كل الجفن السفلي ولا بتمبانين جنج مريضه).. ييبي اسفنجه الأي شادو وتكون مبلله بالماء اشويه عسب ايبين اللون الأسود عدل ( مثل ما محدد بالصوره حول العين) بدل ما تستخدمين قلم الجحال ولا الآي لاينر... جربي اتحددين محيط العين بالشادو الأسود... >>>>>> انا يوم أحط ميك أب وأتصور يتحروني مذيعه ولا شي هههه ويوم ايشوفوني يسألوني الصالون ومنو حطلي!!! ما يدرون يحليلهم ولا يصدقون... بعدين المكياج يباله يد خفيفه وفنانه... ومثل ما قلت قبل في موضوع سابق ما تهم ماركه المكياج وغيره.. المهم طريقة التطبيق... اذا الوحده عندها موهبه و تعرف اتطبق... ما يبالها شي الا كمن لون شادو وشوية ميك أب وخلاص.. والباقي عليها.. بتمزج الألوان وبتطلّع اللون اللي هي تباه...
4- عقب ما اتحددين العين بالشادو الأسود ( تحديد العين مثل ما في الصوره مثلا العين اليسرى اتكون مثل رقم 6 ، يعني محيط العين وزاوية الجفن العليا الخارجية واتخففين حدة اللون من الأطراف العليا والجانبية بالاسفنجة نفسها... ولا تنسين اتمدين الأي شادو للزاويه الخارجية من العين ولازم يخف تدريجيا لبرع.
5- وطبعا حواجبج لازم اتكون مرتبة من البدايه.. تحت الجاجب اتحطين اللون الفضي أو اللؤلؤي أو تقدرين تمزجين كذا لون...
6- مب لازم رموش صناعية ... لازم اتكونين رافعه الرموش من البداية واتحطين طبقة من الماسكارا السودة فوق الرموش وتحتها... وبعد أقل من دقيقه حطي طبقة ثانية من الماسكارا قبل لا اتجف الطبقة الأولى لكن عالجزء السفلي من الرموش العليا وركزي عالزاوية الخارجية منها... وطبقة خفيفه من الماسكارا على الجفن السفلي..
وبس هذا هو...


انشالله أكون أفدتكم... بس ها لازم اتجربون كذا مرة لين ما تتعودون... انا بما اني رسامة حمدلله وعندي موهبه في الرسم ومزج الألوان فطلعت ممتازة في الميك أب ... وانا من طفولتي كنت أطبق وأجرب لين ما اتمكنت في فتره مبكرة من عمري.. وانا الحين 18.5 بس.... انشالله أفتحلى صالون... ولا تنسون اني شاطرة في نقوش الحناء بعد... (ترا كله يعتبر فنون)... والله يوفقكم....