يا خبيرات الديكور ..... ارجوكم محتارة ومحتاجة مساعدة سريعة ....

اخواتى العزيزات ... رواد هذا المنتدى الرائع


لجأت ليكم بعد ما تعبت واشتدت حيرتى حبيت اشرككم معايا يمكن يكون عندكم حل

احنا انشاء حننقل شقة جديدة ومحتارة فى نوع الفرش وشكله

يعنى مثلاً ... الرسبشن :

طوله 6.60 متر وعرضه 5.20متر منهم متر طرقة للعبور للسفرة

عايزة احط صالون وانتريه مع مكتبة تليفزيون ...

مع العلم ان فى عمود عرضه 50سم فى نصف الرسبشن الطولى تقرباً فاصله لجزئين

مش اقدر اختار ما بين الافضل ... يعنى الصالون يكون مذهب ... ولا الافضل الخشب ؟؟؟؟

والانتريه يفضل مودرن ... ولا كمفورت ؟؟؟؟

مع العلم ان فى حجرة ليفنج مستقلة


ياريت حد من اصحاب الذوق العالى والفن يخلصنى من حيرتى ....

وخصوصاً ان فى اليومين دول معرض فيه كل اشكال الاثاث يعنى يحير اكثر

وتبقى حاجة عظيمة لو فى صور علشان اقدر اشوف حاجة قريبة من الصور فى المعرض


ملحوظة الموضوع مهم جدا لأنه المعرض اخر يوم فيه بكرة


يارب اللى تساعدنى ربنا يحفظ لها زوجها واولادها ويرزقها الخير والجنة ... ولها منى دعوة فى جوف الليل !!!!!!