يا خوفنا من الطلاق ؟؟!!

السلام عليكم ورحمة الله وبركاته ،،،

بعيد الشر عني وعنكم يا بنات حواء ..

وما يجي يوم نسمع هالكلمة ..

والله يهون على من مرت باللحظات .. وعاشتها بمرارتها ..!

أدري شيء صعب .. وأمر أبد مو هيّن ..

وزوج مهما فعل وقال .. يبقى ظلي في في حرارة أيام الدنيا وقساوتها ..

بس تبقى أوقات تمر علينا ممكن تكون صغيرة وتافه..

و النساء ناقصات عقل ..

في لحظة غضب ،، ضيق ،، كدر ،، أو هم .. حتى لو بسيط بالنسبة لمصايب الغير ..

الله يبعد كل هالسوالف عنا ..

وما نشوف إلا الخير ..

نتكدر ونتضايق .. وعقلنا يلف ويدور ويلف ويدور ..

شنسوي ..؟!

أوقات عن نفسي .. في لحظة ضيق من الحياة أو معصبة على زوجي ..

أفكر وأفكر وأفكر ..

أبي أصلح الموقف .. بس كرامتي أبد ما تسمح (العوين الله أي كرامة بين الأزواج )

بس الضيق ما يسوّي ..

يوم البيت عندي مأساة من كثر الكدر والحزن والمأساة الأكبر إذا بديت في الكلام ولا سكت

وصوتي اللي ما ينسمع .. يطلع وقت المشاكل مع زوجي

الله يعين هالزوج ..

ومرات تييني أفكار ومنها هالأفكار الطلاق .. الله يبعده عنا يارب ..

ويوم أعلنت الحرب على هالزوج المسكين ..

وقلت له طلقني .. رغم وأنا أقولها مترددة وخايفة من قراره ..

بس لثقتي إنه يبيني وما يستغنى عني .. قلت خلني أقولها واللي فيها فيها ..

قالي متأكدة يا زوجتي المصون

فكرت

وثواني وأنا أفكر

وأرد عليه بتهجم .. أيه طلقني ما أبيك .. (الله يهديني أموت عليه وفي الأخير أقول له طلقني وما أبيك .. لو تفارقني وأنت أشين الرجال .. أموت في هالدنيا الصعبة من دونك)

لحظتها ما تخيلت حياتي بدونه بسبب العصبية .. بس أبي أثبت له إنه ما يقدر يستغنى عني ..

بس للغباء أحكام .. (هذي مثل من عندي)

يعني إذا طلقج شنو بتستفيدين .. ؟؟!

وإذا ما طلقج .. شنو بتستفيدين ...

شفتي الفرق يا نور عيني ..

في الحالة الثانية أشرف وأرحم .. بوووووووووايد

والحمدلله على كل الحال

الرجال رد علي ّ لو تنزلين الأرض وتطلعين لسماء ما راح أطلق ..

طلعي أجودي .. وأنا بس لسبب تافه استغنيت عنه .. واستغنيت عن العشرة والأيام الحلوة بينا

الله يرحمنا برحمته ..

طولت عليكم أدري ..

بس حبيت أخوض معاكم في هالموضوع .. لو إنه مر وعلقم ..

بس موضوع حسيته مهم ..

هل فكرتي يوم بالطلاق ؟

هل أعلنتي رغبتج بالطلاق لزوجج ؟

شنو كانت ردة فعله ؟

هل تحسفتي إن قلتي هالكلمة لزوجج ؟

هل فعلاً إنتي تبين تتطلقين منه ؟

وشنو السبب ؟

تحسين سبب تافه أو مستعصي؟

أي أحلى الحياة مع زوجج أو بدونه ؟

الله يخلينا لأزواجنا ويخليهم لنا يارب

أحب إن نستفيد من البعض في هالموضوع واللي عندها إضافة ممكن تضيفها ..

وتحياتي لكم