سمبوسة الكويت
الله يهديك بعد اسمك يجوع
طيب يالله يا قمر خلك معانا ونبدا مع بعض ودي البس اشياء ثانية ودي ادخل اي محل وانا واثقة اني بلقى مقاسي ..

انا ماراح اخرب الدايت ولا انتي بعد...
والا يا ويلك تراني كل فترة اروح الكويت بجيك اتفاهم معك وارجع ...

<<<<<<تعرف تهدد البنت

المهم ننتظرك معنا وانا اليوم بكتب وش سويت وانتي بعد اكتبي..

serenity

صححححححححح عليييييييييييييك ايه لا تتشجعين ولا زم تنحفين وماعليك من اخوانك بكرة بتنحفين ولا احد يقدر يقولك كلمة

وبعدين هم صادقين ومايقولون كذا الا يبون مصلحتك
لين متى واحنا كذا

اذا كان عاجبك ريجيم اتكنز امشي عليه مع اني ما اؤيد اي ريجيم ينقص اي شي من المواد الغذائية اللازمة بس براحتك اذا حسيتي انه فادك
اهم شي تجين تقولين وش صار معك كل يوم وكيف الرياضة؟؟
واذا حسيتي نفسك بتاكلين قبل لا تسوين اي شي تعالي هنا وطلعي اللي في خاطرك واصبري يمكن وحدة ترد عليك تعقلك او حتى التفيس لحاله بيفيدك

تراني اخصائية نفسية واعرف

اهم شي بطلي بلع واكل الاكل موجود من خلقنا الله بس النحف اذا ما حسينا فيه بشبابنا متى بنحس فيه اذا جانا كلوسترول وصار غصب علينا ننحف مثلا؟؟؟

يالله انتظرك

بوبا 82
اوكي كلنا مع بعض ان شاء الله
ولا تنسين تجين تفضفضين وتقولين اللي تبينه..

ديزي هلا وغلا يا قلبي

انا اليوم وقفت اكل عند الساعة السابعة تماما..

<<<وش تبي ذي

وبردلك اخر الاخبار ان شاء الله قبل ما انام اليوم

باتظارك

هلا وغلا سارونه

سارونه انا مجربته بإذن الله بتنحفين...

حاولي انك ما تاكلين الا اشياء مفيدة وابعدي عن الاشياء اللي بتضرك فكري بصحتك قبل الريجيم..

اهم شي خفي اكل اللي بدون سنع تقل خلاطات اسمنت ناكل اي شي يا كافي...

ووقفي اكل بعد الساعة 7 اول يومين بتموتين جوع بعدين خلاص بتتعودين وبتشوفين الرشاقة..
مع مشي ..

يعني مثلا بقولك..

اول ما تصحين من النوم ضروري كوب ماء دافيء معصور عليه نص ليمونة او م خ تفاح وياحبذا لو تاخذين قبلها م وزيت زيتون طبيعي لأن زيت الزيتون رائع ومفيد ويخفض نسبة الكلسترول السيء هذا غير انه مفيد لبشرتك وشعرك ووظائف جسمك سبحان الله العظيم
والرسول بعد كان يتغدى كسرة خبز شعير مع زيت زيتون عليها شوي خل والحين اثبتت الدراسات والابحاث ان هالطريقة اسمها بلدوزر الشرايين لأنها تنقي الشرايين وتمنع الامراض عنها بإذن الله..

بعدها بشوي اشربي كوبين موية وافطري
وش الفطور
كوب حليب منزوع الدسم..
حبة فاكهة او 3 تمرات اهم شي مايكون تمر فيه دبس
ربع خبز عربي مع جبن منزوع الدسم او جبن للريجيم
او لبنة للريجيم
او بيضة مسلوقة..
دوري الاشياء الصحية..

الغداء اشربي كوبين موية وبعدين سوي سلطة وتفنني فيها خليها ملونة كثير عشان تشتهين تاكلينها وحطي على السلطة زيت زيتون وخل ابيض وملح طبيعي او عضوي تلقينه في محلات الاغذية الطبيعية ولو ما تحطين ملح اصرف بعد..
خذي لك سمك مشوي خذيلك 6 ملاعق رز من اللي مسوينه مع ملعقتين مرق لو فيه
او مثلا لحم مشوي قلقليه مع خضار وحطي معاه صويا سوس كأنه صيني بس لا تكثرين واهم شي خلي اكلك صحي ابعدي عن القلي واذا اضطريتي مرة مرة اقلي بزيت الزيتون مع ان الاكل المشوي او اللي بالفرن الذ الف مرة..

الساعة 5 مثلا كلي لك اي شي حلو عشان ما تنهبلين علينا روحي محلات الدايت شوب او حتى السوبرمارت الكبيرة تلقين شوكلاته وحلويات للدايت خذيلك شوي..

خلي عشاك الساعة 7 مثلا زبادي منزوع الدسم وما تصدقين قد ايش الزبادي مفيد مع سلطة او مع خيار او حتى قطعة خبز مع جبن او شوي مكرونة مسلوقة ابعدي عن التخبيص والدهون الكثيرة

شفتي لا انك حرمتي نفسك ولا شي بس مو تاكلين كل البيت لا خففي وخليك رايقة
تخيلي نفسك بنوتة تهتم في نفسها بشدة وهالفترة مرت عليك غصب وانتي اصلا كذا من اول معليش اكذبي على نفسك الين توصلين للي تبينه

بانتظارك..

ولو تبون نتفق على اكل معين كل يوم ماعندي مشاكل...بس كذا بيصير صعب شوي لأن مو شرط الشي اللي احبه غيري يحبه...

بانتظارك