يا دكتورات .... ويا امهات .... ساعدونييييييييييييييييي ربي يوفقكن

السلام عليكم ورحمة الله وبركاته

اشحالكن يا اغلى خوات ... ان شاالله كلكن بخير وعافيه

الصراحه انا حاطه ها الموضوع .. وابي مساعده في اسرع وقت ممكمن

المشكله مب عندي والحمد لله ... المشكله وما فيها
ان ولد اختي ربي يحفظه ... جلس قبل يومين يصييييييييييييح من الساعه اربع للساعه ست ... متوااااصل .... لدرجة ان الكل خاف عليه ... يلسوا يمسحون جسمه بزيت مع التدليك ... ويقرون عليه ... وهو يحليله يصيييييييييح ويرص على بطنه ... امه تحسبت ان فيه امساك .. ف عطوه عصير برتقال مضاف له كميه من السكر .... والحمد لله طلع ما فيه امساك ...
وبعد ها المده الطويله من الصياح ... رقد يمكن ساعه ونش .. والحمد لله كان اخف شوي ...

واليوم الثاني ... بدا يصييييييييح مره ثانيه ... والصياح كان اشد ... صاحبه زواع(قيء) (رجع يحليله وااااااااااايد .. لدرجة ان الزواع كان يظهر من خشمه (انفه) بعد )
ولما ودوه العياده .. عطوه شوية مسكنات .. والحمد لله خف شوي

ولما رجعوا من العياده ... وامه شالت عنه البامبرز .. لاحظت ان بوله (اعزكن الله) كان شوييييييييي .. يعني بس يمكن كم قطره ... وكان بوله برتقاالي ....
مع انها تشربه واايد ماي وعصاير .... الا انه ما يبول الا في اليوم مرتين يمكن بس ...
تخيلوا !!!! احس ان ها الشي قلييييييييل جدا على طفل بسنه ...

ممكن تساعدوني يا دكتورات ..
ممكن اعرف شو هي الاكلات الي تدر البول ... والاكلات تعطي الطفل صحه وحيويه ؟؟!!
انا اشرت عليها بالخيار لاني اعرف انه مدر للبول ... وهي تعطيه خيار تقريبا يوميا وما في فايده ابدا ...

اوووه السموحه نسيت ....
الطفل عمره سنه ... والرضاعه نص نص (يعني طبيعي وصناعي)
حالته الصحيه تعبانه ... (يعني من صغره كل يومين ثلاث تجيه سخونه .. وزكام)

الله يخليكن ردوا علي بسرعه ...
احسها خلاااااص .. حالتها تعبانه ... لانها ما تعرف شو فيه ولدها ...
الله يعينها وييسر امورها