يا دولة العز
عبدالكريم بن سعد الشمالي
يا دولة العز باذن الرب منصوره
يحماك ربي من أهل الشر واذنابه
شر علينا توافد بانت شروره
ولا عاد ندري منين وين من جابه
ما يفعله واحد صاحي وفشعوره
غزو على الفكر جانا وابتلشنا به
ما يفعله واحد والشرع دستوره
ولا قاله الله ولا نزّله بكتابه
غزو غزانا بصوتٍ ومر بالصوره
وامرار بالنت وكر البوم وغرابه
عدوان ضد الوطن وابواق ماجوره
اتعلم اللي سقيم العقل لارهابه
الكل منهم علينا صف طابوره
غزو على الفكر جانا واكتوينا به
يصنع لنا الموت وسط اكواع ماسوره
وده نعود لحكم الغاب والغابه
واجب علينا نتعاون نقلع جذوره
الشر لازم نجذه جذ بأطنابه
واجب على الكل منا ياخذ لدوره
واللي مدرس يدرسها لطلابه
وواجب علينا نتكاتف نقصر اشبوره
ومن قبل نصبح عشاء له بنتغدابه
في ظل نسل السعود اعيال اخو نوره
فالجو طيارة وفي الأرض دبابه
والدار دونه رجال الطيب مخبوره
وفي ساعة النوب وقت الحرب حرابه
رجال بحب الوطن والدين مفطوره
من لبس له بدلة ومن لبس لثيابه
عدواننا من وطنا اليوم مقهوره
هذا ترى مقصد الارهاب وأسبابه
شافوا وطنا بخير وحال مسروره
والكل منا بأمان وفاتح بابه
وابشاية الله نفوس الحقد مدحوره
الشعب يعرف عدو الدار واصحابه
في ساعة النوب كل بين اشعوره
الكل منا يحب الدار وترابه
أم العلماء @am_alaalmaaa
عضوة نشيطة
يا دولة العز ) قصيدة بمناسبة الحملة الوطنية لمكافحة الإرهاب التي احتضنتها المملكة الع
1
694
يلزم عليك تسجيل الدخول أولًا لكتابة تعليق.
ريم جدة
•
تسلمين:26:
الصفحة الأخيرة