يا ربيه ابي اساااافر لحالي وش اسوي

السلام عليكم ورحمه الله وبركاته

كيفيكم اخواتي وش اخباركم ابخش في السالفه علي طول لان بنتي الصغيره توها ناايمه واخاف تصحي ...
القصه وما فيها اني توني طالعه من النفاس قبل شهر والسنه اللي راحت مرت علي ظروف مررره صعبه حملت علي ولدي علي طول ما كمل اربع شهور وكان معي نزيف وتعب وحاله الله بس يعظم الاجر المهم قلت لزوجي ان نفسيتي تعبت ومحتاجه اغير جو انا والعيال ومن طلعت من النفاس وهو ابشري كل يوم بكره وابحجز واسوي ومدري ايش المهم بدينا علي اساس نسافر ماليزيا واني اخلي الولد والبنت الصغيره عند امي واخذ البنات الكبار المهم مره تحمست وشرطت عليه ما يقول لاحد لان امه واخته اللي ما تزوجت كل مره نخطط نسافر ينشبون لنا ويخربون علينا كل شئ الخلاصه راحت الايام وهو ما حجز بالنهايه قررنا نروح لدبي الثلاثا ونرجع قبل رمضان وافقت علي مضض بس وش اسوي العوض ولا القطيعه المهم امس جاني يقول ان امه درت وانها ودها تروح معنا هي واخته يااااربيه طيب وش اسوي ابي اروق انا وزوجي وعيالي واحس اننا عايله خصوصا ان اخته الله يهديها علي انها اصغر مني بسنه الا انها جدا متسلطه وبتمشينا علي كيفها طيب وش اسوي اخذ موقف ولا اروح ولا ايش اسوي انا يوم قالي زعلت بس طيب خاطري ووعدني يعد العيد اروح معه سفره لحالنا بس والله مدري عنه طول عمره ووووعود وما اشوف شئ تكفون ساعدوني في اتخاذ القرار ..مشكورين وما قصرتوا