بسم الله الرحمن الرحيم
الموضوع باين من عنوانه!!!
أخواتي الحبيبات هـ المنتدى يضم أخوات بـ مهارات مختلفة علمياً وأكاديمياً واجتماعياً وتربوياً... كلنا عارفين هالشي لكن ربما نكون غير مدركين له!! فـ المعرفة تختلف عن الإدراك..
هـ الموضوع كتبته لأن قلبي يتقطع اذا شفت وحدة فاتحة موضوع ومتعنية وكاتبة مشكلة مأثرة فيها مرررة وحاطة كل جهدها في الكتابة وتفريغ الألم الـي تمر فيه على أمل تلقى ردود تواسيها وتصبرها تنصحها او على أسوأ الأحوال تكون ضدها وربما تعاتبها وتوبخها... الخ
لكن تنصدم بردوووود بعيدة كل البعد عن توقعاااااتها وليييييه؟؟ لأن الموضوع مليان أخطاء إملائية ((ماااافهمت شي من أخطائك الإملائية، موضوعك ملياااان اغلاط إملائية، ؟؟؟؟؟؟؟؟؟؟؟؟،عيوني أنحولت وانا أحاول اقرأ هالموضوع، يوووه وش هالإملاااااء))<< هذي عينة من الردود
طيب بالله عليكم مفكرينها قااااصدة هالأخطاء؟ قاصدة تحول عيونكم وانتم تقرون موضوعها؟ أكيد لااا طيب قبل ما نرد عليها بردود جااارحة لها وقد تكون عادية في نظرنا نفكر شوي ثوااني بس..
ليه موضوعها مليان أخطاء إملائية؟؟ الإحتمالات كثيرة وكلها واردة يا إنها ياعمري عليها ما كملت تعليمها لظروف ما في حياتها :( أو انها كملت لكن مستوى إستجابة عقلها أقل من المستوى الطبيعي :(
((ولا اقصد انها غبية لا سمح الله او مجنونة لكن هذي مهارات وتختلف استجابة انسان للثاني في هـ المهارات وغيرها.. قد يكون مستواها متدني علمياً لكنها مبدعة فنيّاً مثلا)) الأسباب واااجد والمقام مو لحصر هالأسباب..
لكن مهما كان السبب الـي مخلي إملائها ضعيف هل يعطينا الحق اننا نرد عليها بهالردود؟؟ انتي بس حطي نفسك مكانها مهارتك الإملائية ضعيفة وشايفة هالبنات والحريم في هالمنتدى موضوع طالع موضوع نازل.. شي طبخ وشي مشاكل وحلول وشي سواااليف وغيرهـ وغيرهـ وحبيتي تشاركيهم هاللمة الحلوة او تشاركي بمشكلة وتجيك ردود كذا!!!
تحطييييييم وضيقة صدر وكسر خواطر وجرح قلوووب حرام عليكم :44:
أنا اعرف وحدة كذا هي حرمة ما شاء الله جميييييله ومرحة وحبوبة وام عيال ما شاء الله لكن مهارتها في الإملاء جداً ضعيفة والله بنتها الـي ما كملت 10 سنين تكتب احسن منها واذا حصل ودردشنا بالنت افرق الأم عن عيالها بالإملاء لأن إملائها مثل ثالث ابتدائي
واتخيلها هي الـي منزلة الموضوع واااااهـ ياقلبي أتخيل خاطرها انكسر واتخيل الألم الـي ممكن تحس فيه الوحدهـ وهزة الثقة بالنفس :( ممكن بعضنا ما يحس بهالشي لأن ما جرب النقص من هالجانب.. وربي مو حارمه من هـ النعمة الله يخليكم نحن خوات في الله قبل كل شي خلينا عون لبعض دينياً ومعنوياً وكل شي..
بدال هالردود الـي مالها اي اي اي فائدهـ عندك خيارات اولها انك تحاولي جاهدة فهم الموضوع والرد حسب فهمك بدون تجريح او ازدراء وانتقاص :mad:
ثانياً ممكن تنسخي الموضوع وتعدلين الأخطاء الـي فيه اذا فهمتيها واكتبيلها تنبيه نااايس انه اسمحيلي اختي عدلت بعض الأخطاء الإملائية شكلك مع العجلة ما انتبهتي لها..<< مثلاً
او إلزمي الصمت ترى محد بيقص رقبتك لو طلعتي من الموضوع بدون رد!! واذا مرة مرة اصابعك توجعك الا تبينين لها انها ما تعرف تكتب في خاصية الرسائل الخاصة حبيبتي مو قدام خلق الله :09:
من أقسى الأمور ان المسلم يجرح إحساس اخوهـ المسلم في عيب من عيوبه وخصوصاً اذا كان هالعيب وهالنقص خارج عن إرادته :( وخصوصاً خصوصاً قدام العالم
وأخيراً هـ الكلمات طلعت من قلبي وأتمنى توصل لقلوبكن أخواتي الغاليات ودايماً نحط نفسنا مكان صاحبة اي موضوع حابين نرد عليه..
وفقني الله وإياكم لما يحب ويرتضي في ديننا ودنيانا
لا تنسون إستغفار الله الواحد الأحد فـ الإستغفار فضله عظيم وتركه حسرة وندامة
((لي رجاء او طلب واحد بنات ريان شاب عزيز على قلوبنا
في عمر الزهور 16 سنة توفي الأسبوع هذا
والحمدلله على كل حال هذا قضاء ربي وقدره قصة وفاته أليمة
لكن نرجو ان تكون تكفير لذنوبه وخطاياه أرجوكن حبيباتي
الـي تذكرهـ في صلاتها في جلوسها في خلواتها بالله
بين الأذان والإقامة وفي ساعات الإجابة أن لا تنساه من الدعاء
بأن ربي يرحمه ويغفر له ويجمعنا به في جنات النعيم وجزاكن الله كل خير))
//
Aishex @aishex
محررة
يا ربيييييه من بعض البنات حولتوونا بأخطائكم الإملائية حشا بزران بمدرسة ابتدائي/ قديم
68
5K
هذا الموضوع مغلق.
حبيبي نور عيني
•
جــــزاكِ الله خـيـرآ
كلامك عين العقل مفروض نعذر صاحبة موضوع ممكن يكون في مشكله في جهازها مثل جهازي مخرف اضغط على الاحرف بس مايضغط وتكتب بسرعه او اي عذر مسوين نفسهم يعنني مانخطأ فعلا اتنرفز مثل هل الردود
شكرا على موضوع
شكرا على موضوع
قلتي الكلام الي في قلبي وانا اقولك وحده اعرفها عز المعرفه كتبت موضوع عن حياتها مع زوجها ومسكينه تشرح وفي الاخير معظم الردود سيئه لدرجة يقولولها الاخت سعوديه ووش جنسيتك وكلام كثيررر بعدكذا معادشفتها بالمنتدى كاااامل من سنتين كسروووو خاطرهاااا الله المستعان
فانتبهوووو ياناااااااااااس
فانتبهوووو ياناااااااااااس
الصفحة الأخيرة