دنيتي زوجي
AM ASEEL-RAOM
babymalak
رغد الحياة
أم عَـــــــروب
badoor5
Lady Mrmr
دوناتة
نور عيني جنان
بنوتة كلاسيك
The first Queen
الحنين الدائم
ام ثـامـر
rosan
ورود ضائعه
ام راشد جت .كم
حواءxحواء

والله انكم جبرتو بخاطري وهونتوا الامر وفرحت بكل اسم شاركني ورد على الموضوع
طبعا اكيد انا اليوم اهدء من البارحه
لكني بعد ما قريت الردود صرت مقتنعه اني ما كان لازم اعالج الموضوع بطرح الدين والحرام بشكل مباشر لها
وجوابها كان رد فعل طبيعي
لكن شسوي جديده على هالامور وبنتي الظاهر كبرت بسرعه وكبرتني معاها
الي قاهرني اني شاغله جدول بنتي في عندها مدرسه اسلاميه في الليل وصديقات واطلعها تتونس ومشتركه في النادي باسكت بول وساينس وكراتي ولما كانت صغيره سجلتها سباحه والصيف كلها تسليه وسفرات من وين طلعتلي بالاعجاب بطالب معاها
كنت اتمنى ارد على كل وحده منكم بالتفصيل
لكن ما شاء الله ردودكم كثيره وجزاكم الله خير

snforh_4
جزاج الله خير ومشكوره على الدعوه الحلوه

شام
شرفتيني بمرورك وخبراتك تفيدنا يا الغاليه
يمكن البعض يتصور ان اسم الموضوع ما له دخل بالقصه لكن الحقيقه غير
انا لو كنت جايه ادرس او زياره اقول فتره وتعدي لكن الظاهر انه عمر
والي شفته من هالشغله الي صارت نموذج بسييييط للي لازم اتوقعه واحسب حسابه

محجبه
متفقه معاج ويمكن انا تسرعت بالرد عليها لاني تفاجئت ببنتي الغاليه

لولايت00
تسلمين ما قصرتي بس انا ما اذكر انعجبت باحد يمكن عبسي الي بعدنان ولينا


بوادي اميريكا
بوادي انتي ردك يطفي ويشعل النار بنفس الوقت
انا اتفق معاج انها طفله وانها قالت الموضوع بفطرتها وما حاسبه انه موضوع كبير والا كانت ما قالته اصلا لكني انا ما ممكن اخلي بنتي تتعلم وتكتشف كل الاشياء بنفسها والسبب ان الحياه هنا مختلفه والمباح عندهم واسع ومنفتح بشكل كبير
انطيج مثل لو في بلادنا انعجبت بنت في شخص معين فالاعجاب ما راح يتجاوز الاعجاب وحله بالاخر يا اما هو نزوه وتروح او انه حقيقي ويستمر لكن في هالبلاد تظهر تناقضات واختلافات ممكن يجي شخص يلعب بدماغ اطفالنا وهذي حقيقه احنا شايفيها بالسوق وبالشارع وبالمدارس وكوننا مسلمين ممكن نكون هدف معرض اكثر من غيره
بقت شغله يمكن انو بنتي تخاف من ابوها لانه صارم معاها ومراقبها في كل شي كلامها- لبسها -جلستها وطبعا انا متمنيه انو هذي النقطه تتغير لكن يمكن صعب تغيرها

em mohamed
ما شاء الله كلامكم درر يا ام محمد وانا والله ماخايفه من موضوع الرساله بالقدر الي فكرت انها رساله لي اولا
بان لازم انتبه لكل شي واحساسي بعدم الانتماء للمكان هو اكثر مخاوفي
لاني ما اقدر اتقبل كبر اولادي هنا وما اتصور نفسي ناجحه بتربيتهم وسط هذا المجتمع
طبعا انا راح امشي على نصايحكم وعسى ان ربي يسهل اموري
فكرت اني اروح للمدرسه واحكي مع معلمتها انا تحاول ما تخليهم بمجموعه وحده وتفرقهم بشكل طبيعي
ينفع يا ام محمد ولا اخلي الامير جنب الاميره ويعيشو عيشه سعيده

اختي بنتي بنفس عمر بنتك تقريبا ومن سجلتها المدرسه اخبرتها انهم هم صح عندهم هذا وانهم يعتقدون انه حريه لكن اخبرتها انهم كل يوم يحب وحده وبعد مايمل منها يروح ويتركها ويحب وحده ثانيه وقولي لبنتك تريدينه يسوي فيك زي كذا وهكذا وان حتى الكبار يسووا نفس الشئ ويصير عندهم اطفال طبعا بدون ذكر تفاصيل لكن هم مايبونهم فيتركونهم بالملاجئ لان كل واحد يبي يدورله على صديق جديد بعكس ديننــــا الاسلامي الذي جعل العلاقه قويه بين الزوج وزوجته ولا يمكن يذهب يتركها اويترك اطفاله اويرميهم عشان هذه العلاقات بل يحافظ على زوجته واطفاله يربيهم ويهتم بهم...

ولازم اختي كل يوم تروح بنتك المدرسه او ابنك تستودعيهم الله تعالى وتستودعيه تعالى دينهم واماناتهم وخواتيم اعمالهم وجميع جوارحهم ...أسأل الله تعالى ان يحفظنا وابنائنا وازواجنا وان يردنا الى بلادنا سالمين غانمــين آمين...

والله ماشاء الله كلام البنات درر

أختي مامازوزو كثري من الدعاء
في سجودك والوتر وأوقات الإجابة
بأن الله يهديهم ويصلحهم ويعينك على تربيتهم
وبعد الإنتهاء من التحيات وقبل السلام قولي:

رب اجعلني مقيم الصلاه ومن ذريتي ربنا وتقبل دعاء


تعرفين ان الصلاة تنهى عن الفحشاء والمنكر

وربي يحفظ أبناء المسلمين من كل شر