لاحول ولا قوة الا بالله انا بس شفت العنوان دخلت بسرعه
على بالي انا بس افكر كذا بس للاسف طلع وايدين حاسين بها الشي
والله خساره المفروض الواحد يشد ظهره باهله وللاسف صار الاقارب يدورون على الغلطه من الاهل
الله يعينا على صلة الارحام ونكون دائما على حق وما نضر احد هذا اهم شي ان الغلط ما يكون مننا

الله المستعان .. يحز في النفس لما يحسدك قريب لك وهو المفروض يحب

لك الخير مثل ما يحبه لنفسه .. لكن ما نعمم .. والحسد موجود في القريب والبعيد

لكن يبين انه أكثر من الغريب .. عشان احتكاكنا بهم أكثر .. وما أقول هذا الكلام

عشان نقطعهم لا والله .. فصلة الرحم واجبه علينا ..

فعلا الاقارب عقارب والله اني بيوم حفله ملجتي وعرسي اشوف نظرات الحقد والكراهيه من قريباتي الاتي من سني بس مو كلهم يعني كذا وحده منهم الي مو متزوجات وتخيلوا في وحده تصير لي تزوجت قبلي بشهرين بس الله كتب لي اني احمل قبلها ماتت من القهر يوم درت ان موعد ولادتي قبل ولادتها عيني عينك قالتها ( يعني اشلون انت حامل قبلي ؟) لا والشي الظريف انها كانت تبي ولد انا الله رزقني بالولد واهي ولدت بعدي بشهر وجابت بنت والله كتب وحملت مره ثانيه حتى خواتي قالوا لي والله لو درت انك حامل بتحمل ويوم وصلت الشهر الثالث قلنا حق القرايب اني حامل والله يمكن عقبها بشهر ونص او شهرين جان نسمع انها حامل وهم ولدت ويبت ولد ثاني الحمدلله واهي ولدت عقبي باربع شهور ويابت بنت مع اني ما اشوف ان فيه فرق بين الولد والبنت بس ليش الحسد ؟ وتخيلوا خالتي اخت امي تغار من امي وتنقزها بالكلام تخيلوا واشياء وايد معظم الاقارب ما وراهم الا الحسد والغيره والكراهيه انا فعلا اؤيد هالمقوله

الحل اننا نصلهم لوجه الله لكن زيارات سطحيه لكسب الاجر فقط دون اعلامهم باخبارنا السعيده حتى نتجنب الحسداو الاخبار الغير جيده حتى ما يفرحون فينا

التكتم الشديد على الاحداث الي تصير داخل الاسره الواحد والرسول عليه الصلاة والسلام امر بقضاء الحاجات بالكتمان

التحصن اليومي بالاذكار والتوكل على الله واخلاص النيه لله وحده

وبعد كل هذا مافيه الا العافيه ان شاء الله :)

على طاري الاقارب عقارب ذكرتوني بروح اسلم على جدتي وابارك لها برمضان :17:

امي من يوم تزوجت للحين ماهي سالمة
حطت تقويم في اسنانها ماتوفقت قامو يتكلموا عنها عشان حاطة تقويم غالي
طب اذا اسنانها فيهم خراب وش تسوي؟؟
جسمها كان ابيض وخالي من الحبوب فجأة صار فيه حبوب
لما كانت تطلع مع الوالد ايام الخطوبة كانو يقولو ليها ذاك الكلام الا يسم وكله ناتج من غيرة وحسد
ويش اعد ويش اخلي الحين الحسد تحول الي والى اخوتي وحتى ابويي
وكلها بسبب خواتها واقاربها حتى بعد خوات واخون ابوي دائما حاسدينا على النعمة الا حنا فيها
معنى كل شيء عدنا من تعب ابوي وشقاه
عيونهم حاره وحسودين لدرجة ماتتوقعوها وحقودين وجاحدين
معنهم مو ناقصنهم شيء والله رازقنهم الايتمننوه
ماقول الا الله يحفظنا ويحفظكم من كل عين ومن كل شر