عزيزتي
شو رايك تسافري شي سفرة مع زوجك عن جد بتأثر كثير على النفسيه وبتجدد نشاطكم ممكن على سوريا رخيصه واذا فلوساتكم كويسين سافروا على تركيا

بتعرفي بعرف واحده الهرمونات عندها ملخبطه على الاخر واذا بدها تتعالج راح اطول في العلاج وهي مستعجله خاصه انه عمرها 29 سنه فقررت انها تعمل اطفال انابيب بس قبل ما تعملها سافرت هي وزوجها على تركيا وبس رجعوا سافروا على سوريا علشان يحسنوا نفسيتهم ويسووا اطفال الانابيب ونفسيتهم مرتاحه علشان تزبط والله رجعت من السفر ما كملت الشهر غير وهي حامل بتصدقي مع انه الدورة ما كانت تيجيها غير كل كم شهر مرة يعني حالتها صعبه بس شوفي النفسيه بتأثر
اما كلام الستات الكبار شو بدك فيه هم هيك عادي ولا يهمك عيشي حياتك
بس ما حكيتيلي انتي الدورة عندك منتظمه ولا مو منتظمه
اذا حابه تعملي تشييك على حالك بدلك على دكتورة كثير كثير امورة ولطيفه لابعد الحدود هاي دكتورتي وبصراحه بعد ثلاث سنين عند دكاترة عمان ما ارتحت غير عندها بتريح على الاخر
انتي فحصتي ولا لسه هو الفحص بعد 6-8 شهور من الزواج بس اتوقع انك فاحصه عند شي دكتور ؟؟؟؟؟؟؟

حبيبتي lily 2002
و الله بيني و بينك ما في زي السفر، انا بعد الزواج باسبوع رحت على لبنان اشي و لا بالخيال جد روووووووووعه
انبسطنا كتير و الحمدلله سدئيني رجعت كاني بنت صغيره، و الله حابه بصراحه اطلع عمره برمضان بس المشكله ما عندي اجازات و بصراحه رحلة لبنان شطبت على النقوط هاهاهاهاهاهاها بتعرفي اول الزواج الالتزامات كتيره، يمكن انزل عالعقبة قبل رمضان او على حمامات ماعين يعني ولا البلاش :)، و الله يا ستي انا راجعت طبيب و طبيبة و اعطوني مراجعه بعد شهرين و هي ضايل شهر انشاء الله برجعلهم و انا حامل ياااااااااا رب، دورتي منتظمه بتيجي على الموعد بس مشكلتها طويله يعني كل 40 يوم تقريبا، الدكتوره حكتلي المهم انها بتيجي ع الوقت، سبحان الله من و انا صغيره كانت هيك، يعني من بداية الدورة لبداية الدورة 40 يوم، يعني الاباضه بتكون متأخره باليوم 24 او 25اعطتني فحص درجة الحرارة الشهر الماضي ارتفعت من اليوم 24 للدورة و ما نزلت لثالث يوم الدورة و الله لا يفرجيكي الآم الظهر الي صابتني و الدورة كانت كثيفه زي الكتل اللحمية بس الحمد لله هلأ صرت كويسه و ظهري تمام
ازا دكتورتك كويسه ابعتيلي اسمها و عنوانها وتلفونها ع الخاص مش غلط بروح عندها بعمل تشيك، زيادة الخير خيرين، و خليكي ع اتصال بستنا ردك :26:

شوفي ياعمري دورتك 40 يوم بصراحه كثير طويله لازم تنظميها هيك مو منظمه وصعب حدوث الحمل بسرعه راح ياخذ وقت معاكي انا اول مرة لما حملت كانت تقريبا مثلك ونظمتها صارت تيجي كل 28 يوم وحملت بسرعه بس حكتلك ما تم الحمل وبعد ما نزلت الله لا يفرجيكي صارت تيجي كل اربعين يوم بالزبط وعند اكثر من دكتور حكولي انه تبويضي ضعيف انا مستغربه كيف حكولك عادي ؟؟؟؟؟؟؟؟؟؟؟؟؟؟؟؟؟؟؟
ومع الادويه والابر صارت تيجي منتظمه 28 يوم بس اتركهم ترجع تخربش وصارت تيجي كل 35 يوم مع ذلك اعتبرت الدكتورة انه الدوره طويله ولازم لها علاج والحمد لله حملت
انتي لازم تزبطي دورتك انا ما بدي اخليكي تيأسي 40 يوم بصير حمل بس مثل ما قلت لك انه ما بصير حمل بسرعه
راح ابعثلك عنوان دكتورتي على الخاص هي بصراحه رووووووعه وبتفيدك كثير وما راح اتأجل موعدك ابدا

lily 2002
شكرا حبيبتي على نصيحتك بصراحة ما حد حكالي انه الدورة لما تكون طويلة معناتها غير منتظمه، و شكرا على رقم الدكتورة على الخاص انشاء الله بحكي معها و باخد موعد و بردلك خبر شو صار، ويكون ع ايدك الخير يا رب :26:

اكثري من الدعاء واعلمي ان الله هو موزع الارزاق وباذن الله ربي يرزقك والله كريم ورحيم بعباده :26: