يا رب صبرك

السلام عليكم ورحمة الله وبركاته اخواتي العزيزات
لا تطنشوني الله يسعدكم
والله اني في هم ما يعلمه إلا الله.... انا كنت دائماً ادعي ربي يرزقني ولد عمتي (إن كان خير لي) لأني كنت أحبه في الحلال وهو ما يدري. المهم قبل كم شهر تقريبا 9-10 شهور . عمتي عاملتني معاملة سيئة ومن معاملتها حسيتها ما تحبني ولا تطيقني. حتى ما تعطيني وجه ما كنت متوقعه منها هالشيء (لأني ما كنت اختلط فيها كثير وهي ما تزورنا كثير يمكن مرة كل سنة او سنتين تجي تزور ابوي).. لما حسيت انها ما تطيقني تضايقت وقلت خلص راحت علي ومستحيل تفكر تاخذني لولدها .. وبعدها قمت في ليلة في الثلث الاخير ودعيت ربي ما يكون نصيبي ولد عمتي وقلت لربي اني ما عاد ودي اياه بسبب أمه ما ودي اعيش عندها........ المهم يا جماعة الخير فهمت مؤخراً يمكن انا ما اعرف عمتي زين لأنه ما تجينا كثير يمكن هي عادية معي بس وقتها ممكن انها كانت منزعجه من شغلة وعاملتني بهالطريقة اللي خلتني احسها انها ما تطيقني ........ ما اعرف والله اني في حيرة من أمري انا الحين عاد ما يهمني اذا اخذ ولد عمتي او لا بس خايفه من هالدعوة اللي دعيتها وودي اتراجع عنها واللي كاتبه ربي يصير بس هالدعوة موجعة تفكيري وقلبي .. لأني بالفترة الاخيرة صرت اشوف ولد عمتي كثير في منامي رغم أني ما افكر فيه
يااا ربي سامحني