يا رب لك الحمد ... !!

السلام عليكم ورحمة الله وبركاته
حبيباتي أنا حامل وكانت آخر دورة عندي 29- 5 هجري
تأخرت الدورة علي وبعد عشرة أيام من تاخرها أي تاريخ 11-7 رحت سويت سونار ..
- كان عندي قبل اجهاضين عشان كذا قلقانة على الحمل - يوم رحت لها
وسوت الأشعة وجلست تدور بها قالت لي أنتي سويتي تحليل حمل ... قلت سويت منزلي بس
قالت لان الحمل خارج الرحم وورتني كيس خارج الرحم ... وقالت لازم تروحين الاسعاف ... ولا خل أسوي لك تحليل هرموني أشوف نسبة الحمل ..؟؟
وعلى طول تحليل هرموني والنتجة عندهم ما تطلع الا بكرا ..!!
رجعت للبيت وبكيت بكاء شديد ما أحد يدري وش كثرة كنت تعبانة ...!! أصلي وأبكي ما أقدر أتحمل
يا طوله ذاك اليوم وأنا أعدها دقيقة دقيقة ...واخيرا رحت للدكتورة قالت نسبته 3000 اصبري 48 ساعة ونعيد التحليل نشوف يتضاعف ولا لا . واذا حسيتي بألم على طول اسعاف .
رجعت للبيت وفيني قلق كل الوقت أدعي يارب ... يارب ...
واذا فكرت في أخطار الحمل خارج الرحم ومضاعفاته زاد عندي الألم ...
يارب كانه حمل خارج الرحم ينزل لحاله
كل ما فكرت في حبي للاطفال بكيت ...!!!
مر اليوم ثقيل كل شوي احس بطني يوجعني .. ما أدري كيف ؟؟؟
ما عاد أقدر أصبر يوم ثالث .. عشان احلل وتطلع النتيجة في يوم رابع
على طول رحت لمستشفى ثاني وطلبت اشعة وانا أحس الارض تدور بي ..!! وكاني بدوخ والله اني مافيني حيل !!!
دخلت وسوت لي الاشعة ... قالت في حمل بس لسا ما بان النبض ... قلت داخل الرحم .. قالت أحد قايلك خارج الرحم ... وناظرت قالت صح في كيس خارج الرحم احتمال موية واحتمال حمل ثاني عمره سبع اسابيع ..
قالت ما تحسي بالم قلت لا ...
قالت ان شاء الله ما فيه مشكلة ...
واليوم رحت لحكومي وسويت أشعة وقالت لي الحمل داخل الرحم ومافيه كيس يمكنه راح ...

يارب لك الحمد ...
يارب أقر عيني برؤيته سليم معافى ...