يا ريت تقولولي وين الغلط ببرنامجي الغذائي

والله ما عرف شان رديت بس ممكن تتصلي باحد دكتورات المراكز الصحية او انصحك بأنك تشتري مجلة ولدي او الام والطفل بها كثير من الامور المفيدة واقام بعض الهواتف للمشورة

طبعا انتي ما تنوعين لها وهذا غلط والمرطبانات ما تفيد مثل الأكل الطازج هو المفيد

انا أقول لج ولدي كمل ال8 شهور وانا من الست شهور وهذا نظامه الغذائي

6 صباحا حليب مع بسكوت فارليز
10 صباحا فواكه مشكلة طازجه مع ملعقة سيريلاك عشان يثخن الفاكهة (موز وتفاح وكمثرى مع عصير برتقال)
والحين بدلته بتوست واحط عليه حليب مع بيض واغمسه فيه واخلي التوسته تشربه عدل وبعدين امسح المقلاة بقليل من الزيت الزيتون واقلي التوسته وبعدين احط عليها شوية عسل واهرسها كلها وياكلها
الساعة 2 وجبة الغداء خضار مع رز كبدة دجاج أو فخذ دجاجة ( الخضار : بطاطا وجزر وكوسا ويقطين وبروكلي وطماطه منزوعة القشر والبذر وسبانخ وسلق) اطبخه مع الرز في ماء فخذ الدجاج وأضيف عليه قمر دين عشان يكون طعمه مقبول وبعدين اطحنه كله بالخلاط الرز مع الخضار وفخذ الدجاج أو كبدة الدجاج والحمدلله عاجبه وياكله

الساعة 5 العصر حليب خالي (استعمل له حليب بروميل)
الساعة 8 أعطيه سيريلاك بالعسل أو بالتمر أو مرطبان حلى كمثرى وزبادي من فارليز أو معكرونة لسان العصفور أطبخها وأضيف عليها زبادي مع عسل أو اذا الصبح عطيته فاكهه اعطيه بيض مع التوست أو العكس..

الساعه 11 اعطيه حليب مع بسكوت عشان يشبع وما يقعد علي بنص الليل

لازم حبيبتي تنوعين لها عشان تستفيد

تسلمواااااااااااااااااااااا يا رب
عزيزتي مغرومة هي ما تاكل كميات كبيرة حوالي ملعقتين أكل كبار يعني تقريبا ثلث المرطبان وبعده بساعة تاخذ حليب 100مل

وبرنامجك حلو جدا ربي يخليلك ابنك ويخليك ليه

شكرا عزيزتي تحت الرماد والدكتور قلي أعطيها اللي يعجبها وقت اللي يعجبها وأنا أتابع هنا تجارب البنات وبصراحة تعجبني أكثر من كلام الدكاترة مش بيقولوا اسأل مجرب ولا تسأل طبيب :) وألف شكر لك

عزيزتي قطوتي كمان برنامجك حلو بس أسمع البنات أكثر من مرة يحذروا من العسل قبل السنة .
وبالنسبة للمرطبانات والله أنا معتمدة عليها اعتماد كامل لأنها ما تخليلي ولا دقيقة فراغ للطبخ والتحضير( حتى لنا ) بس اراعي أنه أختار أحسن الأنواع وأفضل الشركات اللي تستخدم المواد الطبيعية فقط

ألف شكر يا الغاليين بس ما قلتولي هل طفل السبع شهور ينام الليل بطوله ولا طبيعي زي بنتي يصحى 3 أربع مرات بالليل
على فكرة هي نومتها مبكرة جدا تنام الساعو 7 أو 7 ونص للصبح بس تصحى تاكل وتكمل نوم يعني اتطلع عيني بالنهار بس تنام بدري الحمد لله :)

أختي راح أترجم لك جدول لطفل 6 شهور من كتاب تغذيه ممتاز للأطفال بعدين ترا يمكن تصحى في الليل عشان متعوده مو عشان جيعانه من جد و المفروض أقل شيء تنام 8 ساعات متواصله والمفروض ما تصحى لأنه مرهق لها قبل ما يكون لك و جربي كم يوم تعطيها مويه بدل الحليب و خليها تبكي شوي و إن شاء الله تتحسن
الجدول:
السبت: 10 صباحا تفاح و مشمش مهروس مع قليل زبادي
2 الظهر خضار صفراء مهروسه و نصف كمثرى مبشورة
6 المغرب بطاطس مهروسه مع قليل جبنه(cottage) و موزه مهروسه

الأحد: 10 صباحا صفار بيضه مسلوقه مع قليل خبز بر (توست) عليه شوية حليب للتطريه
2 الظهر خضار مهروسه مع تفاح مهروس بقليل عصير برتقال
6 المغرب مشمش مع زبادي

الإثنين: 10 صباحا شوفان مطبوخ مع حليب مع موز مهروس
2 الظهر سبانخ مع قليل من الجبن المذكور سابقا مع فاكهه
6 المغرب خضار مشكله( بروكلي - جزر- بطاطس)

الثلاثاء: 10 صباحا موز مع زبادي و قليل نخالة قمح
2 دجاج مع خضار مهروسه
6 المغرب شوفان مع خوخ مهروس

الأربعاء : 10 صباحا خبز قمح مع حليب و فاكهه مهروسه
2 الظهر بطاطس مع خضار مهروسه و خوخ
6 المغرب تفاح مع زبادي و بسكوت

الخميس: 10 صباحا موز مع زبادي و نخالة قمح
2 ظهرا خضار مع بطاطس حلوة و ممكن افوكادو مهروس
6 المغرب شوفان مع حليب و تفاح
الجمعه: 10 صباحا صفار بيضه مسلوقه مع شابورة أطفال كامله
2 الظهر سمك مع جزر مهروس
6 موز مهروس مع قليل عصير برتقال

وطبعا غيري في المواعيد على كيفك و حسب الأكل المتوفر عندك و تدريجي دخلي الأكل اللي بنتك غير متعوده عليه و الرضعات زي ما مكتوب على علبة الحليب و يكون مخصوص للأطفال فوق 6 شهور و غالبا 3 رضعات 210 مل و الله يعيننا و يعينك

والله مادري تقول أمي كلكم حطيت لكم عسل ماصار فيكم شي

بس تبين شي مضمون آنا سامعه ان فيه عسل مخصوص للأطفال

حبيبتي لا تقولين أحسن الشركات وغيره مافي مثل الأكل الطبيعي صنع البيت وفرش

شوفي قولي حق الخدامه اهي تسوي بس باشرافج وخليها تلبس دس نايلون وتغطي شعرها وخل تقصص الخضره وتطبخهم وتحطهم بالخلاط ما يبي له شي وسوي كميه وخليها بالثلاجه تكفيها 3 أيام

حبيبتي لا تعتمدين عالمرطبانات ما ينفعها المرطبان خليه حق خارج المنزل والله انا آخذ واحد حق الطلعه بس اما بالبيت ما أأكله منه

حرام عليج جذي تخلين بنتج ما تستفيد من الأكل وبعدين ترى تأذيج اذا كبرت راح تكره الأكل لأن تعودت على نوع معين