يا حليلنا منوَّل << يعني قديماً..
لا جت الوحده تعرس..مسكتها أمها على جنب تعلمها وش السالفة..
والبنت من البراءة يمكن تنصدم وتبكي وتهوَّن عن الزواج بكبره..
هذاك منوَّل...
أما الحين..
البنت طولها شبر وتعرف أكثر مني ومنك..
كله من النت والتلفزيون..
كريمات..خلطات..وضعيات..
ألعاب زوجية..لانجري بنكهات ولمبات<< سلامات مضيعه الدرب ؟؟
دورات و أجواء ومساجات ...و و و ..
كل ما دخلت هالقسم وغيره من منتديات ما عند هالحريم إلا هالحكي..
أنا وأنا ما اعرست أحس إني طاب خاطري زود من الزواج :hahaha:
إسراف..لا والله تجاوز حد الإسراف..
ومع الجهة الثانية كل وحده تتشكى..
زوجي خانني...تزوج علي..
يناظر أفلام اباحية..معه ثلاث جوالات..
يلعب كيرم<< حتى الكيرم ما سلم من الغيرة :icon30:
كل ذا التعب والفلوس اللي بالهبل...وآخرتها ما يرضيه ويشبعه..
ليه؟؟
أنا أقولكم ليه..
<< تربعت تسولف>> لا والله اللي طيروها الحين :hahaha:
شوفوا أهلنا منوَّل..
لا يعرفون هالخرابيط ولا غيرها..
ومع ذلك عاشوا من أحسن ما يكون..
لا خيانة ولا طلاق ولا غيرها..إلا ما ندر..
لأنهم على فطرتهم..على طبيعتهم..
الواحد من بيته لفلاحته..لبيته..للمسجد..
والأهم من هذا كله...غضوا البصر..
" غضوا البصر"
أما الآن..
ذبحتنا الرفاهية..
كل شي متوفر لنا..
ما عمرنا انحرمنا من شي ولله الحمد..
شبعنا..
تعدينا الشبع..
صار كل شي روتين وملل..
بالغنا في تدليل حواسنا..
ما عاد شي يجذبنا ويثير اهتمامنا..
كل اللي نبيه نجربه..لو غلط..
أهم شي ما نحرم أنفسنا..
والنتيجة ..طفش..وزهق..
وش عاد لو سويتي ليلة حمرا ولا زرقا ولا موف..
ما تفرق معه ..
لأنه شايف مثلها..ويمكن أحسن..
لأننا أطلقنا النظر..
وانتهى زمن " غض البصر"..
حتى المرأة صارت تقارن..
تناظر بفلان وعلاَّن..
لو زوجي..مثل جسمه..
لو زوجي مثل وظيفته..
لا والله ليته زوجي..!!
وبالنهاية..
نشكي من طلاق وخيانة..
لا نسرف على أنفسنا..
نعودها على الحرمان شوي..
مب كل شي نطبقه ..
ولا كل شي نتمناه لازم نحصله..
" ونغض البصر"
" ونبتعد عن المقارنات السلبية"
" وجرعه كل فتره وفتره أحلى من الإدمان"
وقتها ...بيكون لكل شي طعمه ومذاقه الخاص..
زي جاموكا باسكن روبنز << وقسم مشتهيته :icon30:
(:
ووبس..
.gif)
والحل الأكيد لجميع مشاكلنا في العودة الى الله
رزقك الله الزوج الصالح عاجلا غير آجل