يا سعوديات ..شو يعني( نفس) ؟؟؟

السلام عليكم و رحمة الله

شحالكن يالعضوات ان شاءالله بخير :26:

غبت وايد بس ما قدرت على فراق هالمنتدى
و عندي سالوووفة صغيرة ابى اعرف عنها منكن بالاخص السعوديات

وحده من ربيعاتي سعودية نجدية متعرفة عليها عن طريق النت و صارت اكثر من اخت لي تشكيلي و اشكيلها
نفرح حق بعض نزعل لزعل بعض و اهي الحين عندها مشكلة و انا مب مقتنعه بوجودها
فاتمنى تساعدوني و تساعدونها
ربيعتي هذي خطابها كثر و من زمان يتقدمون له بس بعضهم ما يصلحون لها و بعضهم تصلي استخارة و تحس بضيقة و تشوف حلم و عقبها ما توافق
و هالحلم يتكرر كلما صلت استخارة بموضوع خطوبة و معناه انها لازم ترفض و بتندم اذا وافقت
و سارت و سألت مطوعه و جم شيخ من الثقات و قالوا لها ان هذي( نفس) و يبالها علاج و رقية ووووو و
و يوم خبرتني انا بصراحه ما اقتنعت معقول فيه شي مثل هذا ؟
و قلت لها تزوجي اي احد تشوفين انه مناسب و ما عليج من هالكوابيس وهذي اكيد اضغاط احلام او انج متعلقة باحد معين و حاطة ببالج شي
بس هي اكدت لي انها ما تفكر باحد معين و انها تبى تعيش حياتها بشكل طبيعي و توافق على اللي يناسبها بس ما تقدر تنسى هالشي الي اسمه(نفس) و تخاف انها تظل بدون زواج طول عمرها بسبة هالنفس
و انا ابى اسئلكن يالسعوديات فعلا فيه شي اسمه نفس ؟؟و تصدقون بوجوده؟ و هل هالشي صاب حد تعرفونه ؟ و كيف تعالجت منه؟
انا ما سمعت غير عن العين و الحسد و اللبس بالجان