النهاردة ها أعمل لكم طبق بجد لذيذ جدا و من باب التغيير
السبيط او السيبا او الحبار او الخثاق او الكاليماري كلها اسم لشيء واحد
و يالله نقول بسم الله و على بركة الله نبدأ
المقادير :
واحد كيلو كاليماري
بصلتين وسط مقطعين جوانح
قرنين فلفل أخضر مقطعين
طماطمتين وسط مقطعين مكعبات
ملح و فلفل و ملعقة كبيرة صلصة
6 فصوص ثوم مقطعة
ملعقة صغيرة ملح صيني او أجينو موتو ( يمكن الاستغناء عنها )
الطريقة :
اولا ننتقع الكاليماري في الخل شوية
و بعد كدة بضح البصل المقطع مع الفلفل يتشوحوا مع شوية سمنة على النار
لغاية ما يذبلو
و بعد كدة بقطع الكليماري حلقات و بضحة مع البصل و الفلفل و بضع معاهم الثوم
و نسيبهم شوية على نار متوسطة لمدة 10 دقايق و بعد كدة بضيف الطماطم و صلصة الطماطم و الملح و الفلفل
و الملح الصيني و اسيبهم يتسبكوا شوية مع بعض
و نسبيهم على النار لغاية ما يتسبكوا خالص و الكاليماري يكون استوى و أقدمهم و بالهنا و الشفا
