السلام عليكم ورحمة الله..أسعد الله مساءكم بالخيرات والمسرات..
خواتي العزيزات أنا عضوه جديده عليكم ..تابعت هذا المنتدى لكن الصراحة ما أدري وش ألحق عليه وش أخلي أروح لملف التشطيبات الأول وإلا الثاني وإلا هنا..الصراحة فن وإبداع وتعاون..ولذلك حبيت أستفيد من خبراتكم وتجاربكم وأتمنى خواتي ألقى عندكم إجابة لأسئلتي..
إنا نبغى نرمم بيتنا من برا نبي نغير النوافذ والأبواب ونغير الدهان الخارجي لواجهتين..
والحين خلينا نمشي حبة حبة..
أول شي: النوافذ وش رايكم بمحل الراجحي..هل شغلهم حلو ومواعيدهم صادقة.. وكيف أسعارهم؟
رحنا لمحل غرناطة والصفا لكن الأسعار عاليه جدا..تخيلوا المتر يبدأ من تسع ميه وفوق والشكل عادي جدا اللي فيه نقشه بسيطه بألف وزيادة ..وإنا النوافذ عندنا عددها تسع طعش وكل نافذه تقريبا متر ونص في متر وعشرين ..هذا غير شبك الحماية..هل الراجحي أسعاره كذا..
وفيه حاجه ثانيه الزجاج العاكس منظره جدا حلو لكن مشكلته يكشف بالليل ..وأنا أشوف ناس كثير مركبينه وما أتوقع يعني إنهم كلهم بايعينها أكيد مسوين شي يحجب الرؤيه..سؤالي وشو هذا الشيء..يا ليت تعطوني حل غير تسليط الإضاءه من برا وغير التجليد
والسؤال الثالث هل عملية قص شبابيك الحماية القديمة مكلفة وصعبه؟
طيب الحين نجي للأبواب: تخبرون محلات أبواب بتصاميم حلوه ويكونون ناس شغلهم موثوق وأسعارهم معقوله
أنا أقصد أبواب الحديد الخارجيه عندنا أربعة أبواب ثنين خارجيين على الشارع وثنينن حقت المداخل يعني تفتح على الحوش..وكم السعر التقريبي للمتر ..تخيلوا في محلات الصفا الباب الواحد متره بثلاثة آلاف وخمسميه يعني لو ثلاث أمتار زي بابنا يطلع تقريبا بعشرة آلاف..
والله حسيت إني كثرت أسئلة ..وأخاف تشوفونها كثيره تستصعبون الرد ولذلك بأخلي الباقي بعدين..اللي بتجاوبني إجابة تبرد كبدي الله ييسر لها أمورها ويسعدها في الدنيا والآخره
رلومه @rlomh
عضوة
يلزم عليك تسجيل الدخول أولًا لكتابة تعليق.
الصفحة الأخيرة
ترى شغلهم كويس وأسعارهم معقولة المحلات الكبيرة يزودو بالاسعار من شأن
إيجار محلاتهم وكثرة العاملين فيها فأكيد الرواتب أكثر
جربي وشوفي مانتي خسرانة شي