روحــ لك ـــي :

حي الله الجميع.. ما عليه ولا يهونون البنات انا برد عليكم كلكم بس بركز شوي مع شايفه عشان اوضح وجهة نظري او نظرتي للأمر وتوضح لي هي وجهة نظرها عل وعسى نستفيد .. عزيزتي شايفه.. طبعاً كلنا متفقين انه سبب الزعل سخيف او خلينا نقول ما يستاهل الموضوع زعل!! امور بسيطه مثل الغدا أو نسيتي تحطين ملعقة زيت زيتون في السلطه مثل هالأمور، تدرين انا من رايي ومن التجارب اللي مرت علي مع ناس زعولين على اشياء بسيطه! لاحظت انه طريقتي تنفع معاهم اكثر.. أقولج كيف يعني نسيتي تحطين الغدا لو أول ما تذكرتي او حتى العصر وانتو تشربون الشاي.. قلتي اوووووه فلان!! انت كنت طالب تتغدى هنا؟ يا الله نسيت!! بس حرام عليك ليش ما ذكرتني؟ لعيونك بكره اغديك بأيدي.. (طبعاً حتى هالكلام مجرد مثال وكل وحده حسب طبيعة اسلوبها مع زوجها).. هني هو بيستسخف زعلته بدال ما يكون ساكت وانتي ساكته ويروح باله لتأويلات ثانيه مثل تعاندني هذي أو مالي اي اعتبار عندها اطلب الشي ولا تنفذه!! ترى الريايل وااايد يروح بالهم بعيد. وقصة ما سمعتيه هذي شي مختلف ما نقدر ندرجها تحت موضوع الاستعباط لأنج من الأساس ما سمعتي ما دريتي شسالفه.. ماعليه شايفه انا ادري انه اللي حطيتيه مثال عشان جذيه انا خذت موضوعج على صوب لأنه في مثال نتكلم منه واتمنى ما ضايقج اني وقفت لردج بالذات.. طبعاً يا بنات في أمور تختلف وكل علاقة ولها اعتباراتها! يعني ما تي وحده زوجها يدور عليها السبه ولا يبي يطلعها انها مقصرة وتقوله اسمحلي نسيتك؟!! الموضوع بس يخص اللي علاقتهم طيبه وكل شي حلو وزين لاتروحون تقولون روحي لك ماعندها سالفة تبي ازواجنا يمسكونها علينا!!

حي الله الجميع.. ما عليه ولا يهونون البنات انا برد عليكم كلكم بس بركز شوي مع شايفه عشان اوضح...