ظلع @thlaa

محررة برونزية

يا شين الغلو في الدين

مرحبا
والله يا بنات اني جيتكم وانا ميته قهر من اخوي واكتب وانا ابكي
السالفه وما فيها اني ادرس في مركز مسائي وانا البس عباية راس فا اضطر اني البس تنوره وبلوزه وصراحه مليت من البس كل يوم وحاولت اني ما افصخ عبائتي بس عبائتي غير مريحه فخطرت لي فكره اني اشتري عباية كتف واخذها معي لم المركز واذا وصلت شلحت العباية الراس ولبست الكتف اهم شي اني في الشارع البس راس المهم قلت لخوي الصغير الي في الثانوي ابروح لم السوق قال خلاص بعد العشاء اوديك المهم جاء العشاء قال اوديكم بشرط انزل معك انا قلت ماله داعي قال اجل ما فيه روحه قلت ابشتري اغراض خاصه واصر قال وشبتشترون والا ما فيه روحه انا قلت له الصراحه وحلفت اني ما البسها في الشارع بس داخل المركز اخوي انجن وجلس يماطل قل بعدين يعني ما فيه روحه وامي درت في السالفه وانجنت وانا احاول اقنعهم وهم مره متشددين ومتنطعين هم للاسف عندهم ان لبس عباية الكتف حتى لو انت بداخل قعر بيتك حرام الله ياخذ التشدد الي يقهرني اني اكير من اخوي ب10 سنوات والشي الثاني مليت في المركز انا الوحيده الي اضطر اني اشلح عبائتي لانها على الراس فتعرفون الجلسه فيها مش مريحه وكل البنات عليهم عباياتهم لانها كتف
واضيف اهلي ما نعين عباية الكتف حتى لو هي وسيعه اذكر امي الى الان كارهه عباية الراس الي لها كم قسم بلله اني اكتب وانا نفسيتي زفت بزفت اكره ما عندي الفلو في الدين وتحريم المباحات

يلزم عليك تسجيل الدخول أولًا لكتابة تعليق.

تسجيل دخول

ام هااااجر • 12 سنة

يمكنيا قلبي يخافوا مع الوقت يغلبك الشيطان وتسيري تتدرجي . ربنا يوفقك للي فيه الخير

Om DinaoOoy • 12 سنة

اما تكره عباية الكم احس مافي احد مايلبسها
العبايه زي شرعي خالي من النواقص والزوائد يعني مايكون قصير او سخيف ويبين معالم الجسم
ولايكون فيه زوائد زخارف واكسسورات
وكلن بعقله رآضي وينام على الجنب اللي يريحه
الله يرزقك الزوج الصالح عاجلا غير اجلا ويهدي لك آهلك ويسخرهم

متجر ضي القمر • 12 سنة

الله يكون بعونك يمكن صح في تشديد ماله داعي بالذات ان كانت العبايه عبيه شرعيه لاتطريز ولامخصر بس مثل ماقالو البنات يمكن خايفين من التساهل

أم صالح ٢٠١٨ • 12 سنة

هلا أختي ... بالعكس هذا مش تشدد ... أهلك حابين مصلحتك .. جزاهم الله خير و الله يخليهم لك .. بعدين في عباية راس تجي قطعتين بحيث انها ما تنزل عن الكتف .. تكون أريح في الاستعمال ..

مع العلم أنا ألبس عباة راس و أروح مركز و عباتي علي و معي أطفال .. و لا تضجرت منها أبد و مستحيل أفكر بالكتف ...

الله يوفقك و ييسر لك الزوج الصالح ..

لولوه سعوديه • 12 سنة

هنا المجتمع ارتسم عنده صوره ذهنيه ان الحجاب الاسلامي هو عباية راس وعلى الاغلب اللي يشددون عليها يتبعون العادات والتقاليد ..الاسلام امرنا بالحشمه والستر وكل وحده تتحشم بالشكل اللي يعجبها

انا عبايتي كتف ولا عمر راودني شك ان عبايتي فيها اثم علي لاني حريصه على انها تناسب شروط الحشمه وهي ان تكون واسعه وطويله .. مدري من قالهم ان الحجاب بهذله وشكل قبيح ؟ الحجاب ستر وحشمه وما في شي يمنع انه يكون ايضا انيق ومررريح بدون ابداء مفاتن الجسم

حاولي تقنعين اخوك وتفهمينه ان عباية الكتف ما فيها شي وان كل النساء المحترمات يلبسونها

البسيها مره ومرتين وبيتعود عليها..