مبروك يا حبيبتى على الاسم والمحل وان شاء الله تتهنى بيه ويكون خير عليكى وعلى اسرتك ان شاء الله
تقسيمتك للمحل حلوه بس لازم تجيبى ورقه وقلم وتكتبى بالظبط انتى هتجيبى ايه تعرضيه فى المحل لان كده هتقدرى اكتر تتخيلى انتى هتعرضيه ازاى عشان مش تظلمى المنتج وكمان حطى فى بالك انك لازم تعملى مكان حلو للكاشير ولازم كمان يكون فى مخزن صغير فى المحل لانك مش هتعرفى تعرضى كل البضاعه بالوانها فى المحل ولازم يكون فى 2كرسى عشان لو بنوته مثلا جايه مع مامتها لازم الست الكبيره تقعد ولا ايييييييه
وبقولك كده كام فكره ليكى ممكن تشتركى فى شركه او اتنين تجميل وتجيبى الكاتلوج وتعرضيه برضه فى المحل يمكن واحده مثلا تتفرج وتطلب طلبيه وانتى بالنسبه ليهم هتكونى ثقه فيقدروا يطلبوا اللى هما عاوزينه يعنى ممكن يكون ده مصدر دخل تانى ليكى ومش بعيد عن فكره المحل وممكن كمان تجيب مثلا 3 طرح سوداء يكونوا اطوالهم مختلفه وتتعاملى مع البنات اللى بتطرز على الطرح وتكون مصوره شغلها فى البوم وتيجى البنت مثلا تختار شكل التطريز وتختار مثلا الطرحه اللى طولها وعرضها مناسب ليها والبنت تطرزلها شغلها ويكون طبعا للمحل نسبته وده برضه ممكن يكون مصدر دخل للمحل ولو البنت شغلها نظيف ممكن البنات يجوا مخصوص لكده ثم يتفرجوا على البضاعه التانيه ويعجبهم حاجه ويخدوها يعنى كله بيخدم بعضه وبضاعه بتروج لبضاعه اخرى
دى شويه افكار ممكن تطبقيها فى المستقبل ان شاء الله بس حاولى مش تزحمى المكان عشان تكون كل البضاعه واضحه ويكون التسوق ممتع
كمان لازم مثلا لو انتى اللى هتقفى فى المحل تتعلمى ازاى تغلفى الهدايا عشان لو واحده طلبت ده واخداها هديه لصديقه مثلا وكمان خلى كيس المحل شكله رومانسى والوانه هاديه وطبعا يكون 3 احجام او حجمين
وربنا يرزقك ويفتح عليكى ان شاء الله انا متفائله خير بالمشروع ده وربنا يحققلك كل اللى تتمنيه
انا حاولت اساعدك على قد ما اقدر وربنا يتملك على خير وانا فى الخدمه
الصفحة الأخيرة
الاسم يا قلبي أخترت إسم ليالي الرومانسية سبحان الله قريب من اسمك اللي أخترتيه:27:
والله يالغاليه خلاص فرشته مشمع (فينيل ) والمجمع مغلق وكله راح يفرش ارضيته فينيل
مشكوره يا قلبي من الاعماق والله يجزاك الجنة ويحقق ما تتمنين