يا صاحبات الماركات ارفعوا الاستغفال عنا

السلام عليكم ورحمة الله وبركاته

من اكثر من ثلاث شهور وحدة قالت لي انها اشترت بضاعة مايحضرني اسم المحل لكنه من اسماء الماركات وقالت ان نظام الترجيع والاستبدال تغير يعني اذا اخذتي البضاعة تستبدلينها ببضاعة اخرى من عندهم او تحتفظين بالفاتورة وكل مابغيتي تشترين من عندهم تستعملين القيمة اللي بالفاتورة السابقة وصلاحيتها لمدة 6 شهور

وقال لها تقدرون تعترضون على هالنظام في شي ما ادري وشو بس ذكرت التجارة مدري وش المسمى بالضبط

المهم انا كنت بنزل موضوع للتكاتف بس والله انشغلت بدراستي بشكل فضيييع وما قدرت للمشاركه

انا جربت في محلات مذركير لقيت الكلام صحيح وكان هذا النظام مستعمل في محلات ستي ماكس بس مارفع بها الراس لانها من زمااااان بهالنظام

نجي للاستغفال اللي اقصده
اذا والله الشركة الام اللي في اوروبا او غيرها غيرت نظامها فيامرحبا عادي ولو احد له نفس طويل للمخاطبات ومتمكن من اللغة الله يقويه وهذا مب موضوعنا

موضوعنا اذا كانت الشركة الام على النظام الاولي ليه عندنا يطبقون هالنظام ؟
مسألة انهم يقولون فيه ناس تشتري وتلبس وتجي ترجع وتاخذ فلوسها هذي مب مشكلتي والغرب ياما وياما تحصل ونشوفها بالافلام ولا تغير النظام ....
طيب يتغير عندنا ليه؟؟؟ تسن قوانين لنا غير العالم ليه ؟؟؟؟؟ هل انا ادفع ارخص ؟!!!! والله الاسعار عاليه ومع ذلك نشتري طيب وين الامتيازات تحطون علي شرط ما ارجع البضاعة بل تستبدل لا والمشكله يحجزون فلوسك ست شهور الا لازم تشترين من عندي بقيمة الاستبدال !!!!! طيب واذا ما عجبني شي خلال هالوقت او اعجبني شي في محلات اخرى اصير رهينة عندكم ؟!!!!!!!!

لا والمشكلة في الاحتفاظ بالفاتورة ؟!!!!!!! الواحد شغال عندكم ؟ ما احتفظت باوراق مهمه والجوال اذا حطيته في مكان انساه وش هالفاتورة اللي بقعد حافظتها ...... لا ومع كثر الفواتير اللي بجمعها من المحلات وش باخذ ووش بخلي ( مير هذي دعوة لاخواتنا التاجرات بالشنط حطوا مع الشنطه شنطة صغيره قولوا هذي للاحتفاظ بالفواتير :icon33:)

الزبدة
يامحلات الماركات تعاملونا مثل ماتعامل الشركة الام زباينها في مسألة الاستبدال ولا بضاعتك عندك وفلوسي معي :mad:

واللي تعرف الجهة المسئولة عن الاعتراض توافينا بها وكلن يعترض

واللي لغتها الانقليزيه زينه تخاطب اللي تقدر عليه من الشركات الام وترفع تظلم وايضا مقاطعة

اللي عندها اضافة تنمي الموضوع تشاركنا

شعارنا لا للاستغفال