السلام عليكم ورحمة الله وبركاته
مبارك عليكم الشهر
جعلنا الله وإياكم من صيامه وقوامه ومن عتقائه من النار
بنات بدخل في السالفة على طول
عندي ولد عمره 4 سنوات ونص وبنت عمرها 3 سنوات
الله يهديهم ويصلحهم ويهديني عليهم
المشكله إن ولدي من النوع الحرك و شقي الله يهديه
أمطفرني في عيشتي ودايم إللي حولي يقولون الله يعينك عليه شقي
لدرجة إن الوالده تقول أنا ربيتكم كلكم ما شفت أحد منكم مثل ولدك (آآآآآه قمة التحطيم)
دايم يعاند أخته ويستقوي عليها والله تكسر خاطري مسكينه
أنا ما أستحمل على طول أضربه وأحيانا إذا الله هداني بس أكلمه أو أصارخ عليه
أقول بيني وبين نفسي هذا عمره 4 سنين ومجنني أشلون إذا صار عمره 14 سنه؟
وبنتي صحيح إنها أشوه من أخوها بس إذا أحكمت على الشي لازم يصير وعنيده مرررة لازم تسوي إللي في راسها ولا وش يفكنا منها
مثلا تصر على لبس معين أو أروشها وما تبي تلبس ملابس أكلمها أتحايل عليها وفي النهاية أطقها طق وبرضوا مافي فايده لين يجي أبوها أو أحد من خواتي يراضيها وبعدين تلبس
آسفة بنات أزعجتكم بالقرقرة بس والله إنهم كاسرين خاطري
ودايم ادعي أقول يارب أهديهم واهديني عليهم الله يصلحهم إن شاء الله
أقول حرام هذول أطفال وين أجسامهم لجسمي وين قوتهم لقوة يدي بس شسوي ما ودي أحد يتكلم عليهم أو يقول مالك كلمة على عيالك ومن هالكلام إللي يغث
رجاءا يابنات
أنا طلبتكم إتساعدوني واتعينوني على نفسي أنا أدري إني غلطانه بتعاملي مع عيالي
فاللي بتقعد تزفني وما راح تفيدني خل توفر ردها أنا أبي بس تساعدووووووووووني
وهذي لوسيعة البال إللي راح ترد علي :26:
كتكوته صغيره @ktkoth_sghyrh
عضوة فعالة
يلزم عليك تسجيل الدخول أولًا لكتابة تعليق.
غمامه
•
الحوار والحرمان يعني ناقشي وتراهم يفهمون لا تقولي صغار
حاولي وبتنجحي
أصري على رأيك ولا تتراجعي
حاولي وبتنجحي
أصري على رأيك ولا تتراجعي
بالحرماااااااااااان احرميهم من اللي يحبونه اذا عملوااا أي غلط والله هذي تأدب الاطفال من غير ماتضربيهم والله يحفظهم لكبالحرماااااااااااان احرميهم من اللي يحبونه اذا عملوااا أي غلط والله هذي تأدب الاطفال من غير...
الله يجزاك خير على الرد والدعوه
أجرب إن شاء الله يجيب تبيجة
بس إذا طلعت معهم وفشلوني كيف أحرمهم؟
أجرب إن شاء الله يجيب تبيجة
بس إذا طلعت معهم وفشلوني كيف أحرمهم؟
الله يهديهم ويطووووول بااالك عليهم
وسعي صدرك ياقلبي,,لو لاسمح الله صاااارفيهم شي
تتندمين طووول عمرك
الله يحفظهم لك ويصلحهم
وسعي صدرك ياقلبي,,لو لاسمح الله صاااارفيهم شي
تتندمين طووول عمرك
الله يحفظهم لك ويصلحهم
كأنك تكلمين عني
حتى عيالي بنفس اعمار عيالك
وبدون شعور اضربهم وبعدين اتحسف
بس والله انا خايفة اذبحهم او يجلطوني
بس ما تلاحظين معي ان اغلب اطفال هالجيل عفاريت
الا القليل
الله يصلحهم ويهديهم ويرزقنا برهم وصلاحهم
حتى عيالي بنفس اعمار عيالك
وبدون شعور اضربهم وبعدين اتحسف
بس والله انا خايفة اذبحهم او يجلطوني
بس ما تلاحظين معي ان اغلب اطفال هالجيل عفاريت
الا القليل
الله يصلحهم ويهديهم ويرزقنا برهم وصلاحهم
الصفحة الأخيرة
احرميهم من اللي يحبونه اذا عملوااا أي غلط والله هذي تأدب
الاطفال من غير ماتضربيهم
والله يحفظهم لك