يا عالم حواء تعالوا كلكم انا مش بمشكلة ان بمصيبة

السلام عليكم جميعا

والله من الدوخه الي انا فيها مش عارفه كيف ابلش ولا من وين


بالبداية كلكم بتعرفوا قصتي انا عندي اجهاضات متكررة مجهولة السبب وصلت لهلا 6 مرات والكل بحكي من الله مافيكي لا انتي ولا زوجك اي اشي


عشان تكونوا بالصورة انا اول ما تزوجت من 3 سنين بس بعد 3 شهور من زواجي لقيت بموبايل زوجي مسج من وحدة بس كلام مش مفهوم انك لازم تروح عند شيخ ويقرا عليك ولازم اهلك يعرفوا وحكي كتير الصراحة مافهمت 3 ارباعه وقتها واجهته بالمسج حكالي انو هاي وحدة عرفها عن طريق صاحبه الها علاقة مع شخ دين وهو لجئلها لانو بشوف كوابيس واحلام مزعجة وشياطين وهي حكتلو انو معمولك عمل وعشان هيك هو بتواصل معاها وهو كان بده يحكيلي عنها لولا اني سبقته وحكالي خلاص هو الموضوع بده ينههيه وبعد كم اسبوع صار اول اجهاض الي


تاني مره بعد 5 شهور تقريبا من الحادثه شفت اتصال منها اله وقتها اطلعت فيه وهو بحكيلي سيبيلي اياها انا بتفاهم معها وبدي انهي كل اشي هي بتركض وراي وبتقنعني اني اروح لشيخ ووقتها كانت رجعتي من المستشفى لثاني اجهاض

وتالث مره نفس الاشي حكيتله هاي اخر مره اسالك عنها ولا اشوف اشي الها عندك وانا واثقه فيك راح تنهي هدا الموضوع


وهلا مر سنتين ومرييت ب 6 اجهاضات لهلا ومشاااااااااكل مع زوجي ما يعلم فيها الا الله صار يدخن وصار يتاخر بصلاته صار يحب يطلع بره البيت طول الوقت مبوز ومخنق وانا تحملت تحملت والكل بحكيلي اصبري عليه كل هذا بس عشان الخلفة وبده ولاد حتى هو صار صليت اللسان معي سرت اسمع منه الفاظ عمري ما تخيلت اسمعها منه يوم بكون رايق ويوم اللهم عافينا وانا تحمل واتحمل واتحمل واحكي بكره الله برزقنا وبهدا الوضع ما بخبي عليكم اذا حكتلكم بتسير مشكلة يوم الاحد مثلا بضل يحكي معي من راس مناخيره 4 ايام وبعدين خلاص بندخل الويك اند وهكذا صارت حياتنا


البارحه بس روح من دوامه كان ماسك موبايله واول ما اجيته عطول قلبه حكيتله هات احطلك اياه عالشاحن راح اغلقه وحطه جمبه وغير الموضوع بعد 5 دقايق رجع عالصالة وكان فاتحه وحاطه جمبه وقتها عرفت انو في عنده اشي

اليوم بالفجر قررت اني خلاص لازم اعرف شو سبب هالمشاكل لو بخوني خلاص الله معاه بيت اهلي موجود بس لا يتعامل معي بهاي الحقارة بس انصدمت انصدمت انصدمت


هو طبعاحاذف الرسائل كلها بس محتفظ بمجموعة رسائل بالارشيف ولهلا برجف من الي قراته

الرسائل من وحدة بتحكيله انا حذرتك وحكيتلك تروح عند شيخ يقرا عليك بس انت ما صدقتني ... الساحر حالف يمين وكفر انو راح يخرب حياتك وحياة ليلى (( طبعا اول مره اسمع باسم ليلى)) راح يخليك تتمنى الموت وما تلاقيه .. وليلى شردت من منطقتها واجت لعندك وبس بعدت عن مكان السحر نفذت بجلدها وقدرت تشرد .. وشفت الساحر هداك اليوم وبسال عنك وحكالي سلط كل الجن المسخرين اله انو يهاجموك ويخربوا حياتك وما يخلوك تعيش متهني وتتمنى الموت .... وكلام كتير كتير كله عن السحر وصارت تحكيله قصص عنه وعن ايام الجامعة وكيف خربت كلها وعن كوابيسه الي كلها بحلم فيها عن الجن والشياطين

واخر مسج البارحه باعتلها (( بتساليني اذا الميت بتوجعه طعنة السكين!!))شو قصده


يا بنات انا شاب شعري من الكلام شاب شعري مش عارفه شو اتصرف ولا شو اعمل انا اخدت رقمها للبنت وشفت السجل مافي اتصالات كلها رسائل بس ممكن تصل ل 20 رسالة في اليوم

مش عارفه شو اعمل انا اجتني فتره كل يوم اقرا سورة البقره لتحسنت الامور بالبيت

بس هلا شو اتصرف اواجه زوجي !! احكيله شو هذا الساحر وليش انت مش صريح معي وما حكيتلي الحقيقة انك مسحور ..يعني مش راح اتركه بس كنا رحنا لشيخ يقرا علينا كنا رحنا للكعبه وتغسلنا بمية زمزم

على الاقل كان ممكن نفهم انو الساحر عامل عمل ما نجيب ولاد واضل اجهض

زوجي انسان غامض وممكن يموه الموضوع وممكن يقلب الموضوع علي ويخليني غلطانه كيف افتح موبايله
بس انا راح انجن معقول احنا طلعنا كل هلمدة مسحورين وانا يا غافله الك الله

احكولي شو اتصرف ..فكرت اتصل فيها واواجهها واحكي احكيلي الموضوع كله بالتفصيل او بعدي عن زوجي لادعي عليكي بس باين الي بينهم مش قصة حب قصة شيخ وساحر وعمل

وانا الي كل يوم ببكي على حالي وبحكي ليش انا مو مكتوبلي السعادة من اول ما تزوجت حياتي فوق تحت لولا تمسكي بديني كنت ضعت

لا تتركوني هاي اصعب مشكلة اواجهها بحياتي