يا عانس قالت

يا بنات بدخل طوالي بالموضوع انتو شايفين ويش اللي يصير بين العوائل وها الكلام اللي يقهر




الأم تزوج ولدها وتجيها مرت ولد لسانها طويل وتتطاول على اهل رجلها وتقول لهم يا عوانس وتتمسكن لحد ما تتمكن من الرجال وتحرمه من أهله وتمر سنوات والحل معهن؟؟؟ اللي ما يخافن ربهن بعض ها الفئات حسبي الله ونعم الوكيل فيهن .




مرت الولد صارت تعذرب بأهل رجلها بدل ما تصير سند لهم تكون ضدهم هذا اللي حاصل تخترع مشاكل وتفرق بين الأخوان وسوالفها كلها كذب بكذب وتفرقهم بالحياة والممات وان جابت لد أسمر قالت شف هذا طالع لأمك واختك وابوك وان جاهءها ولد معاق رمته على أهل رجلها ربوه واعتنوا فيه حسبي الله ونعم الوكيل وطلبت الطلاق . بحجة انها ان جابت اولاد زيادة بتصير عاهة بقلبها وما تتحمل والخلل والأعاقة من عند الله .




وان ما طلبت سكن مستقل وسكنت مع اهله قامت تدور الزلات وتتحكم ووتتسلط وتسوي مشاكل وتكسر بخاطر الأم لحد ما جتها مشاكل ومرضت وانجلطت من كلا مها حسبي الله ونعم الوكيل على ها الفئات اللي من زوجات الولد .

------------------------------------------------

ويش ها الزمن اقسم بالله مرت الولد صارت مشكلة ومصيبة تحرم الولد من أمه اللي جابته وتعبت عليه والرجال المغفل كيف يصدقها تحرض الرجال على امه واخواته وراهن جالسين ما تزوجوا العوانس ؟؟؟ هذا ماهي كلمتن تنقال ؟؟؟؟؟؟؟؟

الزواج قسمة ونصيب واللي تتمسخر الزمن كافي وووافي يعلمها .

واللي تتفاخر تزوجت وانتي عانس لا تفرح الدنيا دوراة .


-----------------------------------------------------------------------------

بعض الصديقات تتزوج تتخيل نفسها بالقمة وتجيك تقول انتي تدخلتي بيني وبين رجلي وانتي وانتي وتشوه سمعتك قدام الناس حسبي الله ونعم الوكيل فيهم .

--------------------------------------------------------------------------




بعض الصديقات تمرضك من حسدها وعينها الحارة اللي ما ذكرت الله والناس كلها تبني صداقتها على مصالح وان انتهت انتهت ولآ درت عنك ولا سألت عن احوالك وتمر عنك بكبرياء وغرور ان شفتيها حسبي الله ونعم الوكيل .

-------------------------------------------------------------------------




الناس تتناقل الأقوال الكذب عن الواحد ان غاب او مرض ناس تقول تزوجت وحامل وناس تقول تركتكم فلانه بسبب رجلها واهلها والللخ ...))))

---------------------------------------------------------------------







قصتي أنا اللي صار لي مرضت مرض غامض من 3 أشهر الدكاتره يحللون يقولون شيء غريب فيني اعتزلت الطب واعتزلت الناس واعتزلت كل شيء لين ما تعالجت بالرقيه وتحسنت وغيرت ديرتي سكنت مع جدتي وجدي ولقيت الأمان والبعد عن الأزعاج واستمع لأحاديث جدتي عن زمانهن واخلاص الناس والوفاء بين الجيران والأهل ومرت الولد وقصة ما به حسد ولا عين ولا غيره ولكن زماننا تغير واصبح زمان كلن ياكل له الثاني .

-----------------------------------------------------------------------





غالبية مشاكلنا بين أهلنا وجيراننا وعوائلنا واخوانا واخواتنا الغيرة والشيطان ....)))

-------------------------------------------------------------------------------

مرت ألأخو شريرة ورجلها شرير اللي صار انه يحرض ابوه على امه يتزوج ثانيه وبحجة انه ترجعه شباب ولا تعليق والفكرة جت من زوجته غيرتن من ام رجلها تبقى تخليها تتحسر .

---------------------------------------------------------------------------------




ولا مرت الولد اللي غارت من ام رجلها يوم عرفت انها حامل وحاولت تنزل اللي ببطنها تحرها بالكلام لأجل ويش تقول ويش يوقلوا الناس ام رجلها ومرت ولدها والدات وجابن بنفس السنة اولاد لأجل ها السبب تبقى ابو رجلها يتزوج ثانيه عليها وهي حامل لأجل تجهض .

اقسم بالله ذولا صاروا ذيابيه حسبي الله ونعم الوكيل فيهم ترى ماني بجايبه شيء من راسي كله حقيقة وقلبي يعتصر ألم على اللي جالس يحصل .

-----------------------------------------------------------------------------------------------------------------------

اللي ابوهم متوفي وجالسة مرت ولدهم تسحب اخوهم لأجل ما يقضي اغراضهم ويحتاجون للجيران ويحتاجون سايقهم وتسحب اخوهم بالمجمعات والأسواق والمشاغل وقبل ببيت أهلها ماتسوى هلله مع شعرها الأسلاك ولحدن يجي يقول من حقها نعرف من حقها لكن لا صار موعد لأخواته بالمستشفى او امه ما لها حق تسحبه للسوق او المطاعم وتترك أهله كلها يوم واحد موعد للمشتفى مو حرام اللي جالس يصير

------------------------------------------------------------------------------------------------------------------------------------------------

نسبة مرت الولد الطيبة بها الزمن قليل وان كانت طيبه بعضهن يطيح القناع من وجهها وتطلع شرانيه شيطان بقناع ملاك . ان ولدت قالت وين هلك ينفسوني ويش قلة ها الأدب بنات صغار بالمتوسط ينفسوها تبقاهن يطبخون وينظفون ويمسكون البيبي تراكي اخذتي رجل وفوقها ولد وبيت ومسؤولية جيبي لك خدامة واللي تقول لرجلها طباخ امك ما هو بحلو وامك كسلانه واللخ ويسكت رجلها

-------------------------------------------------------------------------------------------------------

مرت الولد اللي تحرض ابو رجلها على بناته وتسبب مشاكل من دون سبب وين تروح وحسابها عسير من رب العالمين . اللي ترمي ولدها وتتطلق وتتبهدل فيه بنت عزابيه ما تزوجت ومحتاجه تكمل دراستها ويتركها ابوها ويروح لحفيده ويهتم فيه ويش تسمونه ذا

الرجل ييتزوج ثانيه وينسى اولاده من زوجته الأولى ويروح مع الثانيه كنه عزابي وملتهي ورامي اولاده عن امه وابوه وهما كبار بالسن ب80 سنه ولا عندهم خدامه ويش يتسمى ؟؟؟؟

الزوجة الثانيه تجي شايفة نفسها وانها ما تاكل وتشرب الأ افخم الأشياء ولبسها من الأغلى وتجي تعيير بخوات رجلها ولبسها


----------------------------------------------------------------------------------------


ومرت الولد اللي تجي وتلبس عبايتها وتغطي ووجها عن ابو رجلها وين ذي تصير وتجلس جنبت اخوات رجلها بالعباية وين تحصل وتخبي رقمها عن ام رجلها ووتاخذ رقم أهل رجلها واحدن واحد بالخفى من دون ما يحس رجلها ويش تتسمى .

---------------------------------------------------------------------------------

ها المواقف حصلت كلها قدامي وسمعت منها وعشت بعضها وحسبي الله ونعم الوكيل على كل مرت ولد تفرق العوائل بين بعضهم وتحرم الأم والأب من وولدهن وتجري وراء الفلوس