كوبونات الراقية تسجيل الدخول

أنثى من عالم آخر
أنثى من عالم آخر •
تصبحون عاى خير وسعادة يا احلى عرايس
اتمني القاكم بكرة ومشكورة على ردودك على
الله يكتب لكم السعادة
Amool305
Amool305 •
صبااااح الخيررررر
حكاية الحب
حكاية الحب •
امقن اختفو عشان اختبارات

انا عني فاااضيه
شموخ ذليلة
شموخ ذليلة •
بنات وسعوا صدوركم
وتفضلوا


الخطوبة الفاشلة

شاب فقير خطب بنت عمه المليونير ،
وزود عمه طلباته عليه فقال قصيدة
وانا انقل لكم هذه القصيده:

1- سبحان من يرزق بتوع الملاييـن
الرازق اللي ما يخيب الرجـا بـه-

2- لي عم عنده معـرضٍ للصواليـن
أموت واعرف بس من وين جابـه -

3- وإذا سألته قـال بعـت الدكاكيـن
ما يدري إني ما هضمت الإجابـه -

4- الشاهد إني رحت له قبـل يوميـن
في قصره العامـر ودقيـت بابـه -

5- قال ارحب ارحب عدّ ورد البساتين
يا مرحبا باللـي لفـا يـا هلابـه -

6- قلت البقا عـدّ النفـل والرياحيـن
يا شيخ شمل اهل الكرم والذرابـه-

7- قال اسلم الله يحفظك لي من العين
وآمر أوامر حضرتـك مستجابـه -

8- قلت الصراحة طالبٍ قرب غاليـن
ودي تزوجنـي كريمتـك يـابـه-

9- ثنّى وقال اهليـن والله وسهليـن
والكون ترخص لجل عينك رقابـه -

10- لكن ترا عندي شـروط وقوانيـن
قلت اشرط اشرط يا حبيب الغلابـه -

11- قال أولاً مهر العروسـة ثمانيـن
غير الرسوم وغير حق العصابـه -

12- والثانية عمك يبي منـك سبعيـن
رسم الأبـوّة والنسـب والقرابـه-

13- وام العروسة حقها منـك ستيـن
عشانها ست الحسـن والمهابـه -

14- واخوانها كلن يبي منـك خمسيـن
عداً ونقـداً تنـدرج فـي حسابـه-

15- وخواتها الخمس اعطهن من ثلاثين
عشان تتوثـق عـروق النسابـه -

16- وتجيب طقم عيار واحد وعشريـن
وخاتم من الماس المصفى ترابـه-

17- واكياس متروسة كعوب وفساتيـن
ألوانهـا واشكالهـا مـا تشابـه -

18- وموتر بسواقـه وفيـلا بدوريـن
أثاثهـا مـن بطرتـه ينحكـابـه -

19- واحجز لنا قاعة بقصر السلاطيـن
واحجز بهـا رقاصتيـن وربابـه -

20- وامنع دخول اهل اللحى والبزارين
واعزم أميـر المنطقـة بالنيابـه -

21- هذي الشروط اللي على بالي الحين
وذكرني اللي ما حسبنـا حسابـه -

22- قلت اذكر الله يا عـدو المساكيـن
واستغفـره لا يبتلـيـك بعـذابـه -

23- الظاهر إنك منت عارف أنا ميـن
أنا لو ارقا فـوق متـن السحابـه -

24- ما جبت حتى نص درزن مواعيـن
واضحك بكيفك واعتبرهـا دعابـه-

25- شروطكم هذي شـروط المجانيـن
شروطكم شغـل ابتـزاز ونهابـه -

26- شروطكم تقصم ظهـور البعاريـن
شروطكـم همّـن وغـم وكآبـه -

27- شروطكم والله سيوف وسكاكيـن
تذبح بنات المجتمع مـع شبابـه -

28- وين الرضا والعطف واليسر واللين
اللي ذكرهـا الله بمحكـم كتابـه-

29- وين الصفات اللي أمرنا بها الديـن
وين اختفى نهج النبي والصحابـه -

30- يا عم جعل اللي خلقنا من الطيـن
يرد عقلك مـن خطـاه لصوابـه -

31- ويجعل نصيبي عند غيرك قل آمين
ويحسن عزا الصابر ويجزل ثوابه -

32- قال انت لو فكرت تفكير صاحيـن
ما شفت في مجمل شروطي غرابه -

33- حنا بعصـر العولمـة والمزاييـن
ماهوب عصر الفلسفة والخطابـه -

34- الناس تسعى للرتـب والنياشيـن
وانت اهتمامك بالشعـر والكتابـه-

35- والشعر ما ينفعك لو هو دواويـن
ما دام جيبك مثـل بيـت الخرابـه -

36- يا بوك لا تسمع كلام المصاخيـن
واسأل مجرب عاش في وسط غابه -

37- قلت الله اكبر يا محـرر فلسطيـن
من يسمعك يحسبك ذيـب الذيابـه-

38- تراك شايب راس مالـك رياليـن
والبنت ما تسوى جنـاح الذبابـه -

39- قال انقلع مالت على وجهك الشين
لا عاد اشوفـك عندنـا يالزلابـه -

40- قلت ابشر ابشر لكن الباب من وين
واقفيت من عنده على صوت بابـه-
غفوه عشق
غفوه عشق •
صبآح الخير صبآيآ وشحتوني مع انو امس ماحد تفآعل مع موضوعي < تحس البنآت توهم واستحوا يتكلمون بالموضوع ههههههههههههههههه
صبـآ 2012 : آآآآآآمين يآرب ويوفقك يّ بعدي والجميع وربي فرحتني دعوتكَ ..
وعلى طآري أن الايآم تمر بسرعه وربي تركض ماهو بسرعه وبص
متفآئله : شوفي يّ قلبي ابدي بعنآيتك بنفسك من الحين هذآ اهم شي وأكتبي كل شي تحتآجينه عشآن لارحتي ماتكونين محتآره وعآرفه وش تبغين وع فكره ترى حتى أنا نفس حآالتك من قريه وكل فتره اروح السوق بس اهم شي ادعي ربك تتيسر أمورك ترى أنا ماكنت متوقعه بلحق اقضي واخلص بسرعه كل شي بس الحمد لله ربك موجود وتسهلت أموريّ
وأهم شي يآبنآت رضآ الوآلدين وربي في اكثر من شغله كآن حلميّ اسويهآ بزوآجي واهلي رفضو صح زعلت وبكيت وتسذآ بس بالنهآيه قلت أنا كل الي ابيه رضآهم ودعوآتهم والحمد لله هذآ أنا مابقى على العرس شي والحمد لله مرتآحه وأهلي رآضين ومبسوطين ومافيه ابرد مني ههههههههههههههههههه ولاتخلون همكم أحسن زوآجي ولازوآج فلآنه ترى الزوآج حيآه مو بس هذيك اليله :$