يا عروس : انتبهي على فستانك ، ولو سمحتي احترمي معازيمك !!!!!!!

أبدأ بالنقطة الأولى :

فستانك من الأمام احرصي إنه يكون ملامس للأرض فقط ، ما يكون نازل على الأرض ، وطبعًا مع طول الحذاء اللي راح تلبسينه ، لأنه وقت الزفة راح يعيقك بالحركة ويعثرك وممكن يتسبب بسقوطك لا سمح الله ، أو يجونك الفلبينيات اللي بالقاعة ويرفعون لك فستانك ويطلعون سيقانك وحذاءك قدام خلق الله -شفت وحدة كذا بعيوني- ، غير إنهم يطلعون بتصويرك (مع إني ما أؤيد التصوير العادي لحرمته ، والفيديو لخطورة ضياعه ولو في حرب لا قدر الله ، وقد رأينا ما حصل لأخواتنا في الكويت والعراق حمانا الله )..

النقطة الثانية :

إذا وعدتي معازيمك الحريصين على البعد عن الحرام إنك ما راح تحطين موسيقى ، أو راح تكون الزفة فقط موسيقى ، فالتزمي بوعدك !!!
لأنك لو ما التزمتي فهذا معناه إنك ما تحترمين معازيمك ولا تقدرينهم ..

ولما يسألونك فيه موسيقى أو لأ ، فمعناته ما في لا طبل ولا أورج ولا دنبك (المخصر المفتوح من طرفه) ولا دف بخشاخيش ، دف عادي وبس ..

ولما تقولين لهم الزفة بس بموسيقى يعني عشر دقائق ؛ ربع ساعة ؛ بالكثيييييير نص ساعة ، مو ساعة وزيادة :(

حضرت عرس حلفت ما أحضر بعده إلا أعراس حبايبي اللي يقدروني أنا وأمي وأخواتي وعماتي وخالتي ، وما يحطون موسيقى :( زفتها ساعة وزيادة ؟!!! وأذني انفقعت من الـ mp3 player اللي حاطة فيه أناشيد بدفوف على أعلى صوت حتى تغطي على صوت مزامير الشياطين :(

نقطة أخيرة :

لما يكون بجماعتك مجموعة ما يسمعون الموسيقى لحرمتها الشرعية ، وتحطين زواجك بموسيقى ، فمعنى هذا إن ما لهم تقدير عندك :(

وسلامتكم :)

===========================

زواج أختي جبنا له طقاقة اسمها هاجر ، وشرطنا عليها إلغاء الدنبك ، وبشهادة الحضور كان طقها حلو ، ويرقص مضبوط :) ، وكان أجمل عرس حضرته في حياتي :42: