نبدأ مع الاسئلة
شو احتاج عشان اجهز لشهر العسل؟
تحتاجين شنطة كبيرة و شنطة صغيرة حسب حجم الأغراض
و الاحسن ان الشنطة يكون فيها من الداخل مكان للعلاّقة مثل هذه
عشان تعلقين العبي
و السكارفات او الشيل
او قمصان النوم الطويلة عشان ما تتكسف
و هالشي يفيد الريّال بعد يعلق كناديره و الغتر او حتى القمصان
شو احط في الشنطة الكبيرة؟
تحطين فيها ملابس مريحة و عملية للطلعات, اكثر شي بناطلين و قمصان مريحة مستّرة
بعد لا تنسين الملابس اللي فيها حركات حلوه يوم تكشخين للزوج
و كثري من قمصان النوم
و الملابس الداخلية طبعا
وشو احط في الشنطة الصغيرة؟
تحطين فيها النعل و الجواتي (أحذية) و الشنط العملية
كيف اختار النعل او الجواتي اللي احتاجها للسفر؟
لازم تكون نعل مريحة او جواتي حسب المكان اللي بتسيرون له
يعني لو المكان يمطر دوم خذي جواتي جلد او ربل من برع ما يكون من القماش
لو سايرين اماكن مثل الشواطئ و ما فيها مطر وايد خذي نعل مريحه
بعد في شنط صغيرة كيف استغلها؟
في شنطه
تحطين فيها مكياجات خفيفه
انا انصح بهالنوع من المكياجات
علبة فيها شدو و بلاشر و روج مع بعض يكون عملي وايد و خفيف للسفر
و في شنطة صغيرة ثانية
تحطين مستحضرات العنايه بالبشره
مثل كريم واقي الشمس و كريم النهار و الليل و مرطب الايدين و الجسم و مرطب الشفايف
و مستحضرات خاصة فيج
و بعد في شنطة صغيرة ثالثة بس شوي اكبر عنهم
تحطين الشامبو و الصابون و جل الاستحمام
و منظفات الوجه و فرشاة الاسنان لج و للزوج و معجون الاسنان
و اهم شي غسول المنطقه الحساسة
لمتابعة بقية الموضوع يمكنك زيارة موقع يباب.كوم من هنا